ఇక అసలు విషయానికొస్తే, కేరళ నుంచి వచ్చిన ఈ అమ్మాయి తెలుగు సీరియల్స్ లో మొదట దూరదర్శన్ లో నటించింది. మీర్ దర్శకత్వంలో రూపొందించిన జీవన రాగం అనే సీరియల్లో రాజీవ్ - సుమ ఇద్దరూ కలిసి నటించారు. అయితే ఈ సినిమా షూటింగ్ జరిగేటప్పుడు ఒక్క ఎపిసోడ్ కి మాత్రమే రాజీవ్ ను పిలిచారట. అయితే సుమని చూసిన ఆయన ఇంకో రోజు పొడిగిస్తే బాగుంటుంది అనుకున్నారట. రాజీవ్ అనుకున్నట్లుగానే ఇంకో రోజు షూటింగ్ కొనసాగించారు. ఇక తరువాత అదే సీరియల్ లో ఐదు రోజుల పెళ్లి తంతు కూడా ఉంది.
ఇక పెళ్ళి తంతులో పెళ్లి కొడుకు రాజీవ్ కనకాల, పెళ్లి కూతురుగా వేరే అమ్మాయిని తీసుకువచ్చారు అట. పెళ్లి రోజు షూటింగ్ బానే జరిగింది.రెండవ రోజు శోభనం అనగానే ఆమె అక్కడ నుంచి పారిపోయిందట. ఇక సుమ ని తీసుకువచ్చి , మళ్లీ మొదటి నుంచి పెళ్లి చేయడం, శోభనం అలాంటివన్నీ పెట్టేసారు సీరియల్లో. షూటింగ్ అయిపోయిన తర్వాత సుమకు , రాజీవ్ ప్రపోజ్ చేసారట. అయితే అందుకు ఆమె ఒప్పుకోలేదు. ఇక వెంటనే రాజీవ్ కళ్ళలో నీళ్ళు తిరిగి , అక్కడే ఏడవడం జరిగిందట.
ఇక నట శిక్షణ లో ఇలాంటివన్నీ నేర్చుకుంటారు కాబట్టి గట్టిగా ఉండి, ఒక మూడు రోజులు సుమకు కనిపించలేదట రాజీవ్. ఇక నాలుగవ రోజు తిరిగి షూటింగ్ కి వెళ్ళినప్పుడు, అక్కడ ప్రొడక్షన్స్ వారు సుమ కారు తీసుకు రాకపోవడంతో ఆటోలో పంపిస్తామని చెప్పారట. అయితే అప్పుడు సుమ ఆటో ఎందుకు రాజీవ్ కార్ ఉంది కదా..! అందులో వెళతాను లే ,అని చెప్పడంతో అలా వారి ప్రేమ మొదలైంది. తిరిగి ఎలాగోలా పెళ్లి చేసుకున్నాను అంటూ రాజీవ్ కనకాల ఇటీవల జరిగిన ఒక ఇంటర్వ్యూలో తెలిపాడు.
