టాలీవుడ్ లో ఇప్పుడు ట్రెండ్ మారింది. విభిన్న కథా చిత్రాలు ఎన్నో వచ్చి మనసు దోచుకుంటున్నాయి. ఇండస్ట్రీలోకి అడుగు పెట్టే కొత్త దర్శకులు, యంగ్ హీరోలు సరికొత్త కథాంశాలతో వెండితెరపై ప్రేక్షకులను అలరిస్తున్నారు. ఇటీవల కాలంలో తెలుగు ప్రేక్షకుల అభిరుచి కూడా మారింది. రీసెంట్ గా వరుసగా వివిధ జోనర్లలో వచ్చిన చిత్రాలకు మంచి ఆదరణ లభించింది. కంటెంట్ ఉన్న సినిమాలకు జేజేలు కొడుతున్నారు. అయితే సీనియర్ హీరోలు ఇప్పటికీ ఒకటే పంథాను కొనసాగిస్తున్నారు. ఇంతకు ముందులాగా యాక్షన్, గ్లామర్ రోల్స్ కు సీనియర్ హీరోలు ప్రాధాన్యతనివ్వడం ఆడియన్స్ కు అంతగా నచ్చడం లేదు. వారి అభిమానులకు తప్ప మిగతా వాళ్లకు ఈ విషయంపై విమర్శలు చేస్తున్నారు. "ఖైదీ నెంబర్ 150"తో రీ ఎంట్రీ ఇచ్చిన చిరంజీవి కాజల్ తో రొమాన్స్ చేశారు. అది చిరు ఎంట్రీ మూవీ కావడంతో ప్రేక్షకులు పెద్దగా పట్టించుకోలేదు. కానీ ఆ తర్వాత కూడా "సైరా"లో తమన్నాతో కలిసి నటించడం పట్ల పెదవి విరిచారు.
