శంకర్ 'ఇండియన్2' గొడవ సమసిపోకుండానే.. దిల్ రాజు నిర్మాణంలో ఒక సినిమాకు ఒప్పందం కుదుర్చుకున్నాడు. రామ్ చరణ్‌తో పాన్‌ ఇండియన్ మూవీ ప్లాన్ చేశాడు. సెప్టెంబర్ నుంచి ఈ మూవీ రెగ్యులర్‌ షూటింగ్‌కి వెళ్తుందని తెలుస్తోంది. ఇప్పటికే లొకేషన్‌ సెర్చింగ్ కూడా పూర్తయిందనీ.. సాంగ్‌తో సినిమా ఫస్ట్ షెడ్యూల్‌ స్టార్ట్ చేస్తారని సమాచారం.
శంకర్ కెరీర్‌లో 'ఇండియన్' సినిమాకి ఒక ప్రత్యేక స్థానం ఉంది. అలాంటి సినిమా సీక్వెల్‌ని శంకర్ పక్కనపెట్టేసి, రామ్ చరణ్‌తో మూవీ అనగానే కోలీవుడ్‌ జనాలు కూడా ఆశ్చర్యపోతున్నారు. నిర్మాతలో పంతానికి పోయి శంకర్ 'ఇండియన్2'ని పక్కనపెట్టేశాడా అని అనుకుంటున్నారు. అయితే కోర్టు గొడవ జరుగుతున్నప్పుడే 'ఇండియన్2' షూటింగ్ మాగ్జిమమ్‌ పూర్తయిందని, అన్‌లాక్‌లో బ్యాలెన్స్‌ కంప్లీట్ చేస్తానని చెప్పాడు శంకర్. మరి ఈ బ్యాలెన్స్‌ని ఎప్పటికి పూర్తి చేస్తాడో చూడాలి.
