ఇక విష్ణు ముందు నుంచి సైలెంట్ గా అందరిని కలుపుకుని పోతూనే .. తెర వెనక తన వ్యూహాలకు పదును పెడుతూ వస్తున్నాడు. ఈ క్రమంలోనే వ్యూహాత్మకంగా నటరత్న బాలకృష్ణ మా ఎన్నికల బరిలో దిగాలని చెప్పాడు. సినీ పెద్దలు మా అధ్యక్ష పదవిని ఏకగ్రీవం చేయాలని అనుకుంటే.. ఆ నటుడికే తాను మద్దతు ఇస్తానని కూడా విష్ణు చెప్పాడు. విష్ణు పెట్టిన మెలికతో మా పెద్దలు, ఇటు మెగా కాంపౌండ్ అంతా ఏం చేయాలో తెలియని పరిస్థితిలో ఉన్నారు. వారు అవునని.. కాదనీ చెప్పలేకపోతున్నారు.
ఇక మా పెద్దలు కృష్ణ- కృష్ణంరాజు- చిరంజీవి ఏకగ్రీవంగా ఎన్నికకు సహకరిస్తే తనకు అభ్యంతరం లేదని... తాను ఎన్నికల్లో పోటీ చేయనని కూడా చెప్పేశాడు. బాలయ్య హయాంలో సీనియర్లకు మా అధ్యక్షుడిగా పనిచేసే అవకాశం రాలేదని.. అందుకే ఆ టైంలో ఉన్న వారికి తాను అవకాశం ఇవ్వాలని కోరుతున్నానని విష్ణు చెప్పారు. ఒక వేళ ఏకగ్రీవం కాని పక్షంలో తాను మా ఎన్నికల్లో పోటీ చేస్తానని విష్ణు చెపుతున్నారు. ఏదేమైనా మా ఎన్నికలు మాత్రం ఏదో సింపుల్గా ముగిసేలా లేవనే చెప్పాలి.