కె.విశ్వనాథ్ దర్శకత్వంలో మెగాస్టార్ చిరంజీవి నటించిన ఆపద్బాంధవుడు సినిమా కోసం చిరంజీవి కోటి రూపాయల పారితోషికం అందుకున్నారు. ఆ తర్వాత వరుసగా తన రేంజ్ పెంచుకుంటూ రెమ్యునరేషన్ పెంచుకుంటూ వచ్చాడు. మెగాస్టార్ ను చూసి మిగిలిన హీరోలు సైతం కోటి రూపాయల పారితోషకం తీసుకోవడం మొదలు పెట్టారు. ఇప్పుడు దానికి 50 రేట్లు చిరు క్రేజ్ పెరిగింది. మూడు దశాబ్దాల పాటు నెంబర్ వన్ స్థానంలో నటించిన మెగాస్టార్ చిరంజీవి సైరా కోసం 30 కోట్ల రూపాయలు తీసుకోగా ప్రస్తుతం చేస్తున్న సినిమాలకు 50 కోట్ల దాకా పారితోషికాన్ని డిమాండ్ చేస్తున్నారట.
తన మొదటి సినిమాకి వెయ్యి నూటపదహార్ల రూపాయలు మాత్రమే పారితోషకం గా అందుకున్న చిరంజీవి 1978 లో పునాది రాళ్లు అనే సినిమాతో ఇండస్ట్రీకి పరిచయం అయ్యారు. ఆ తర్వాత ఆయన నటనతో ప్రేక్షకులను ఆకట్టుకొని సుప్రీం హీరో గా మెగా స్టార్ గా ఎదిగాడు. ప్రస్తుతం ఆచార్య అనే సినిమాను విడుదలకు సిద్ధంగా ఉంచాడు మెగాస్టార్ చిరంజీవి. ఆ తర్వాత లూసిఫర్ రీమేక్, వేదాలమ్ రీమేక్ లో నటించనున్నాడు. ఇక బాబీ దర్శకత్వంలో కూడా ఓ సినిమా చేస్తున్నాడు. మెగాస్టార్ చిరంజీవి. ఈ చిత్రంలో ద్విపాత్రాభినయంలో నటిస్తున్నాడు.
