ఇప్పటికే హిందీ ప్రేక్షకులకు బెల్లంకొండ అంటే ఎవరో తెలిసిపోయింది. అందుకే మంచి సినిమాతో బాలీవుడ్ లో అడుగు పెట్టి అక్కడ ప్రేక్షకులను కనువిందు చేసే ప్రయత్నంలో బెల్లంకొండ శ్రీనివాస్ ఉన్నట్లు సమాచారం. ఈ బాలీవుడ్ సినిమా ద్వారా బెల్లంకొండ పాన్ ఇండియా హీరో కావాలనే ఆశక్తిగా ఉన్నాడట.వినాయక్ దర్శకత్వంలో ప్రభాస్ 'ఛత్రపతి' సినిమా చేస్తోన్న బెల్లంకొండ ఇప్పుడు యంగ్ టైగర్ ఎన్టీఆర్ హీరోగా వినాయక్ దర్శకత్వంలో వచ్చిన బ్లాక్ బస్టర్ హిట్ అయిన 'ఆది' సినిమాను హిందీలో రీమేక్ చేయాలనే ఆలోచన చేస్తున్నట్లు సమాచారం అందింది. ఈ సినిమాకు బెల్లంకొండ శ్రీనివాస్ తండ్రి బెల్లంకొండ సురేష్ నిర్మాతగా వ్యవహారించారు. ఈ సినిమా హక్కులు బెల్లంకొండ సురేష్ దగ్గరే ఉన్నాయట. అందుకే ఇప్పుడు ఈ సినిమాను హిందీలో మళ్ళీ వినాయక్ దర్శకత్వంలో రీమేక్ చేయాలనే ఆలోచనలో తండ్రి కొడుకులు వున్నారట. త్వరలో ఈ సినిమాకు సంబంధించిన అధికారిక ప్రకటన వెలువడే అవకాశం ఉన్నట్లు సమాచారం అందింది . మొత్తంగా బాలీవుడ్‌లో ఒక సినిమా విడుదల కాకముందే బెల్లంకొండ మరో భారీ బ్లాక్ బస్టర్ హిట్ సినిమాను హిందీలో రీమేక్ చేయాలనుకోవడం తెలుగు ఇండస్ట్రీలో చాలా హాట్ టాపిక్ గా మారింది. ఆది సినిమాను రీమేక్ చేస్తాడో చూడాలి మరి.
