ఆ సినిమాకు అంత హైప్ వచ్చిందంటే దానికి కారణం రాజమౌళినే. రెండవ భాగం కోసం జనాలు అంతగా ఎదురు చూసారంటే రాజమౌళి చేసిన భారీ పబ్లిసిటీ వలన ఇదంతా జరిగింది. ఇప్పుడు 'ఆర్ఆర్ఆర్'కి కూడా అదే పబ్లిసిటీ ఫార్ములను అప్లై చేయబోతున్నట్లు సమాచారం అందింది. rrr సినిమా మేకింగ్ వీడియో విడుదల చేసి ఇప్పటికే సినిమా ఎలా ఉండబోతుందో చూపించాడు. స్నేహితుల దినోత్సవం నాడు స్పెషల్ ప్రమోషనల్ సాంగ్ విడుదల కాబోతున్నట్లు ఇప్పటికే ప్రకటించారు. ఈ లోపు రాజమౌళి టీమ్ సినిమా పోస్ట్ ప్రొడక్షన్ పూర్తి చేసి పబ్లిసిటీ స్టార్ట్ చేస్తారట.
పాన్ ఇండియా మూవీ కాబట్టి దేశంలో వివిధ నగరాలలో బాగా పబ్లిసిటీ చేస్తారట. ప్రెస్ మీట్లు,లైవ్ షో లు,ఇంటర్వ్యూలు అనేకాకుండా చిన్న చిన్న ఈవెంట్లు, ప్రమోషనల్ ఫంక్షన్స్ చేస్తారట. దీని కోసం జక్కన్న భారీ పథకాలు రచిస్తున్నారట. ఇప్పుడు ఒక్కో భాష కోసం ఒక్కో విధంగా పబ్లిసిటీ ఉండబోతుందట. సినిమా రిలీజ్ అయ్యే లోపు రాజమౌళి ఇంకెన్ని మ్యాజిక్ లు చేస్తాడో చూడాలి మరి.