ఇక ప్రభాస్ చేస్తున్న మరో రెండు భారీ సినిమాలు సలార్, ఆదిపురుష్. ఈ రెండు సినిమాలు రెండు డిఫరెంట్ జోనర్లలో వస్తున్నాయి. సలార్ ప్రశాంత్ నీల్ డైరక్షన్ లో మాఫియా బ్యాక్ డ్రాప్ తో తెరకెక్కుతుంది. ఆదిపురుష్ మాత్రం రామాయణ కథతో వస్తుందని తెలుస్తుంది. ఇక ఈ సినిమాల తర్వాత నాగ్ అశ్విన్ తో ప్రాజెక్ట్ కె అని భారీ మూవీకి సన్నాహాలు చేస్తున్నారు. ఈమధ్యనే ఆ మూవీ ఓపెనింగ్ జరిగింది. సైన్స్ ఫిక్షన్ మూవీగా వస్తున్న ప్రాజెక్ట్ కె సినిమాలో బీ టౌన్ హాట్ బ్యూటీ దీపికా పదుకొనె హీరోయిన్ గా సెలెక్ట్ అయ్యింది.
దీపికతో పాటుగా సమంత కూడా ఈ మూవీలో సెకండ్ హీరోయిన్ గా చేస్తుందని అంటున్నారు. సమంత ఉంటే ఆ సినిమాకు మరింత క్రేజ్ అన్నట్టుగా వార్తలు వస్తున్నాయి. ప్రభాస్ ఉండగా మళ్లీ స్పెషల్ గా సమంతతో వచ్చే క్రేజ్ ఏముంటుందని ఫ్యాన్స్ అంటున్నారు. అదీగాక దీపిక పదుకొనె లాంటి ముద్దుగుమ్మ కూడా ఈ సినిమాలో ఉంది కాబట్టి మరెవరు అవసరం లేదని అంటున్నారు. ప్రాజెక్ట్ కె లో అక్కినేని సమంత ఉంటుందా లేదా అన్నది చిత్రయూనిట్ ఎనౌన్స్ చేయాల్సి ఉంది.
