శరత్ బాబు ఏది ఏమైనా.. ఒక విలక్షణ నటుడు. తెలుగు చలనచిత్ర పరిశ్రమకు దొరికిన ఒక ఆణిముత్యం. ఆయన చిత్రాలు తెలుగు చిత్ర పరిశ్రమకే పరిమితం కాలేదు.. తమిళ, కన్నడ సినిమాల్లో కూడా తన టాలెంట్ చూపించారు. అలా దాదాపు 200లకు పైగా చిత్రాల్లో రకరకాల పాత్రల్లో జీవించేశారు.
శరత్ బాబు సినీజీవితంలో తానేంటో నిరూపించుకున్నారు. అందుకు నిదర్శనం ఆయన మూడు సార్లు ఉత్తమ సహాయనటుడిగా నంది పురస్కారాన్ని అందుకోవడమే. తొలిసారి సీతాకోక చిలుక, రెండోసారి ఓ భార్య కథ, ముచ్చటగా మూడోసారి నీరాజనం సినిమాలలో తన అద్భుత నటనకు గాను ఈ పురస్కారాలు వరించాయి.
శరత్ బాబు చలనచిత్ర పరిశ్రమలో పేరు ప్రఖ్యాతలు సంపాదించుకుంటున్న సమయంలో రమాప్రభ ప్రేమలో పడ్డారు. ఆమెకు పెళ్లి చేసుకున్నారు కూడా. శరత్ బాబు కంటే ఆమె నాలుగేళ్లు పెద్దదైనా.. వారి ప్రేమకు వయసు అడ్డంకి లేకుండాపోయింది. పద్నాలుగేళ్ల పాటు వైవాహిక జీవితంలో ఆనందాలను చవిచూసిన ఈ జంట ఆ తర్వాత విడిపోయింది.
అసలు శరత్ బాబు ఎక్కడ పుట్టారో చెప్పనే లేదు కదూ.. ఆయన శ్రీకాకుళం జిల్లాలోని ఆముదాల వలసలో పుట్టారు. 1951వ సంవత్సరం జులై 31న తేదీన జన్మించారు. ఏది ఏమైనా శరత్ బాబుకు సినీలోకం పుట్టిన రోజు శుభాకాంక్షలు చెబుతోంది.
