అశ్లీల కేసులో రాజ్ కుంద్రా పేరు తెరపైకి రావడంతో ఈ సినిమా చాలా నష్టపోయిందని సమాచారం. సోషల్ మీడియాలో ఈ సినిమాను బహిష్కరిస్తారనే ప్రచారం కూడా జరిగింది. డిస్నీ ప్లస్ హాట్‌స్టార్ దీన్ని సీరియస్‌గా తీసుకోలేదు. అది సినిమాపై ఎలాంటి ప్రభావం చూపదని డిస్నీతో పాటు చిత్రబృందం కూడా అనుకున్నారు. కానీ వారి అంచనాలు తలక్రిందులయ్యాయి. శిల్పా శెట్టి భర్త అరెస్టు కారణంగా "హంగామా 2" కనీసం 15 శాతం మంది వీక్షకులను కోల్పోయింది. శిల్పా 14 సంవత్సరాల తర్వాత ఈ చిత్రంతోనే తిరిగి బాలీవుడ్ లోకి ఎంట్రీ ఇచ్చింది. భర్త చేసిన తప్పుకు ఆమెకు శిక్ష అనుభవించక తప్పడం లేదు. ఇప్పుడు 'హంగామా 2' రెస్పాన్స్ చూసి శిల్పా శెట్టి రెండవ చిత్రం 'నికమ్మ' టీమ్ పూర్తిగా భయపడిపోయింది. ఈ కారణంగా సినిమా విడుదల తేదీని వాయిదా వేసినట్టు సమాచారం.
