ఇదే ఇప్పుడు తెలుగు సినిమా వర్గాల్లో తీవ్ర చర్చనీయాంశంగా మారింది. వచ్చే సంక్రాంతికి మూడు భారీ అంచనాలు ఉన్న సినిమాలు థియేటర్లలోకి దిగుతున్నాయి. వచ్చే సంక్రాంతి బరిలో పవర్ స్టార్ పవన్ కళ్యాణ్ - సూపర్ స్టార్ మహేష్ బాబు - యంగ్ రెబల్ స్టార్ ప్రభాస్ న‌టిస్తోన్న సినిమాల యూనిట్లు ఇప్పటికే అధికారికంగా రిలీజ్ డేట్లు ప్రకటించుకున్నారు. పవన్ కళ్యాణ్ - రాణా కాంబినేషన్ లో తెలుగులో రీమేక్ అవుతున్న అయ్యప్ప కోషియ‌మ్‌ జనవరి 12న రిలీజ్ చేస్తున్నారు. సాగర్ కే చంద్ర ఈ సినిమాకు దర్శకుడు.ఆ మరుసటి రోజు జనవరి 13న మహేష్ బాబు - ప‌రుశురాం కాంబినేషన్లో వస్తున్న స‌ర్కారువారి పాట థియేటర్లలోకి దిగుతోంది. ఈ సినిమాపై భారీ అంచనాలు ఉన్నాయి. ఇక జనవరి 14న సాహో సినిమా తర్వాత మరోసారి భారీ గ్యాప్ తీసుకుని ప్రభాస్ నటిస్తున్న రాధే శ్యామ్‌ రిలీజ్ అవుతోంది. రాధాకృష్ణ ఈ సినిమాకు దర్శకత్వం వహిస్తున్నారు. 150 కోట్ల భారీ బడ్జెట్‌తో పునర్జన్మల నేపథ్యంలో తెరకెక్కిన ఈ సినిమాపై భారీ అంచనాలు ఉన్నాయి.
అయితే మరో మూడు సినిమాలు సైతం సంక్రాంతి పై క‌న్నేసి ఉన్నాయి. ఏదేమైనా మూడు పెద్ద సినిమాలు ఒకేసారి సంక్రాంతి బరిలో ఉండటంతో ఇక్క‌డ వార్ మామూలుగా ఉండేలా లేదు. మరి ఈ పెద్ద యుద్ధంలో ఎవరు ? పైచేయి సాధిస్తారు చూడాలి.
