ఇప్పటికే ఈ సినిమా నుండి విడుదలైన ఫస్ట్ లుక్ పోస్టర్స్ తో పాటు టీజర్ కి అందరి నుండి మంచి రెస్పాన్స్ వచ్చింది. గత ఏడాది వచ్చిన అలవైకుంఠపురములో మూవీ తో భారీ హిట్ సొంతం చేసుకుని తన ఇమేజ్ ని మరింతగా పెంచుకున్న అల్లు అర్జున్ ఈ పుష్ప మూవీతో కూడా మరొక భారీ హిట్ సొంతం చేసుకోవడం ఖాయం అని యూనిట్ ఆశాభావం వ్యక్తం చేస్తున్నట్లు సమాచారం. అయితే అసలు విషయం ఏమిటంటే నేడు కొద్దిసేపటి క్రితం పుష్ప అఫీషియల్ రిలీజ్ డేట్ ని యూనిట్ ప్రకటించింది.
తమ సినిమా పార్ట్ 1 (పుష్ప - ది రైజ్) ని క్రిస్మస్ కానుకగా ప్రపంచవ్యాప్తంగా విడుదల చేయబోతున్నట్లు యూనిట్ అఫీషియల్ గా అనౌన్స్ చేసింది. గంధపు చెక్కల స్మగ్లింగ్ నేపథ్యంలో తెరకెక్కుతున్న ఈ సినిమాలో అల్లు అర్జున్ ఒక లారీ క్లీనర్ గా యాక్ట్ చేస్తుండగా రష్మిక మందన్న గిరిజన యువతి పాత్ర చేస్తున్నట్లు టాక్. కాగా ఈ సినిమా నుండి దాక్కో దాక్కో మేక అనే పల్లవితో సాగె ఫస్ట్ సాంగ్ ని ఈనెల 13న విడుదల చేయనున్న విషయం తెలిసిందే .... !!
