బాజిగర్:షారుక్ ఖాన్ సినీ కెరియర్ లో అతి గొప్ప విజయం సాధించిన చిత్రాలలో బాజీగర్ కూడా ఒకటి. ఈ సినిమాను అబ్బాస్ మస్తాన్ తెరకెక్కించారు. ఇందులో శిల్పాశెట్టి , కాజోల్ కథానాయకులుగా నటించారు. రూ.2కోట్ల బడ్జెట్ తో తెరకెక్కిన ఈ సినిమా 18 కోట్ల రూపాయలను వసూలు చేసి రికార్డు సృష్టించింది. అయితే ఈ సినిమా మొదట సల్మాన్ ఖాన్ వద్దకు వెళ్లినప్పుడు, సల్మాన్ నాన్న అందులో కొంచెంనెగిటివ్ షేడ్స్ ఉన్నాయి అని, కథ మార్చమని , తల్లి సెంటిమెంట్ ను కూడా జోడిస్తే బాగుంటుందని చెప్పాడట . కానీ డైరెక్టర్ ఒప్పుకోలేదు. తర్వాత షారుఖ్ ఖాన్ తో ఈ సినిమా తీస్తూ, తల్లి సెంటిమెంట్ ను జోడించడం కూడా జరిగింది. ఇక ఈ విషయాన్ని స్వయంగా సల్మాన్ ఖాన్ తెలిపి , తల్లి సెంటిమెంటును జోడించినా కూడా నేనేమీ పట్టించుకోలేదంటూ మీడియాకు చెప్పాడు.
ఇక ఈ సినిమా తో పాటు దిల్ వాలే దుల్హనియా లే జాయేంగే, కల్ హో నా హో , జీరో, జోష్, చెక్ దే ఇండియా ఇలాంటి ఎన్నో సినిమాలను సల్మాన్ ఖాన్ వదులుకోవడంతో షారుఖ్ ఖాన్ చేసి మంచి విజయాన్ని సాధించాడు.
