సింహా ఉంటే ఇక స్టేజ్ అంతా సందడే సందడి ఫుల్ ఎనర్జిటిక్గా ఉంటుందని అందరూ అంటుంటారు. లయన్ చిత్రంలో ‘పిల్లా నీ కళ్లకున్న కాటుకేమో సూపరే’ , ఆగడు మూవీలో ‘అరే జంక్షన్లో.. జంక్షన్లో..’ వంటి ఎన్నో స్టార్ హీరో చిత్రాల్లో పాటలకు తన గాత్రం అందించారు సింహ. ప్రముఖ సంగీత దర్శకుడు చక్రి మొదట్లో ఓ ప్రోగ్రామ్ లో సింహ పాట విని ఛాన్స్ ఇచ్చి గురువుగా మారారు. ఆ అవకాశాన్ని సద్వినియోగ పరచుకొని ఈ స్థాయికి ఎదిగారు సింహ. సి.ఏ. చదివిన సింహ ఓ వైపు పాటలు పాడుతూనే మరోవైపు పాటలు పాడుతుంటారు. ఇప్పటికీ దాదాపు 200 పాటలకు పైగా పాటలు పాడిన..ఎన్నో పాటలు సూపర్ హిట్ అందుకున్న రావాల్సినంత గుర్తింపు రాలేదనే చెప్పాలి.
సంగీతంలో ఎటువంటి బ్యాగ్రౌండ్ లేకపోయినా టాలెంట్ తో ఇండస్ట్రీలో అడుగుపెట్టి చక్రి, మణిశర్మ, దేవిశ్రీప్రసాద్, తమన్ వంటి గొప్ప సంగీత దర్శకుల ప్రోత్సాహంతో ఎన్నో అవకాశాలను అందుకుని ముందుకు సాగుతున్నారు సింహ. భరత్ అనే నేను పాట సింగర్ సింహ కు హైప్ తీసుకొచ్చిందనే చెప్పాలి