ఇప్పుడు అదే బాటలో డైరెక్టర్ శేఖర్ కమ్ముల తెరకెక్కించిన లవ్ స్టొరీ మూవీ ఈ రోజు ఎంతో గ్రాండ్ గా థియేటర్ లో విడుదల కానుంది. ఈ మధ్యనే కండక్ట్ చేసిన ప్రీ రిలీజ్ ఈవెంట్ సైతం గ్రాండ్ సక్సెస్ అయింది. ఈ ఈవెంట్ కు హాజరయిన చిరంజీవి, అమీర్ ఖాన్ ల మాటలతో సినిమాపై అంచనాలు రెట్టింపు అయ్యాయి. ఇప్పటి వరకు వచ్చిన ప్రేమ కథా చిత్రాలకు భిన్నంగా ఇది ఉండబోతోందని ఇప్పటికే డైరెక్టర్ తెలిపారు. అంతే కాకుండా ఈ సినిమా నుండి విడుదలయిన పాటలు మరియు ట్రైలర్ అంచనాలను మరింత పెంచాయి. కొంత కాలంగా సరైన సమయం కోసం చూస్తున్న లవ్ స్టొరీ టీమ్ ఈ రోజు థియేటర్లో విడుదల చేయనుంది.
ఈ సినిమాను నిర్మించిన శ్రీ నారాయణ దాస్ నారంగ్ మరియు శ్రీ పి రామ్మోహన్ రావు లు కూడా సినిమా విషయంలో ఎంతో నమ్మకంగా ఉన్నారు. ఈ సినిమాకు పవన్ అనే కొత్త సంగీత దర్శకుడు మంచి సంగీతాన్ని అందించారు. ఈ పాటలు ప్రతి ఒక్కరినీ బాగా ఆకట్టుకున్నాయి. ఈ సినిమా విజయం ఇప్పుడు చాలా అవసరం. ఇప్పటికే అంచనాలు రెట్టింపు అయిన ఈ చిత్రాన్ని ప్రేక్షకులు ఈ మేరకు ఆదరిస్తారో చూడాలి.
