ప్రభాస్ నటించిన ఈ సినిమా కోసం అభిమానులు , ప్రేక్షకులు ఎంతగానో కళ్ళు కాయలు కాచేలా ఎదురు చూశారు.ఇక ఈ సినిమా అప్డేట్ రాకపోయేసరికి.. ప్రభాస్ అభిమానులు వీరిపై ఎన్నో రకరకాలుగా కామెంట్లు చేసి తిట్టిపోశారు. ఎన్నో రోజుల నుంచి ఎదురు చూస్తున్న రాదే శ్యామ్ టీజర్ రానేవచ్చింది.దీంతో అభిమానుల ఆకలి తీర్చాడు డైరెక్టర్ రాధా కృష్ణ కుమార్.
దీంతో ఈ టీజర్ చూసిన అభిమానులు ఎంతగానో సంబరపడిపోతున్నారు. ఇక టీజర్ విషయానికి వస్తే.. ప్రభాస్ ఈ సినిమాలో ఒక క్లాసిక్ లుక్ లో నటిస్తున్నట్లుగా కనిపిస్తుంది. ఇందులో ప్రభాస్ చెప్పే డైలాగులు చాలా సింపుల్ గా ఉన్నవి. ముఖ్యంగా స్టైలిష్ లుక్ లో ప్రభాస్ కనిపిస్తున్నాడు.
ఇక ఈ సినిమాని యు.వి క్రియేషన్స్ బ్యానర్ పై నిర్మించారు. ఈ సినిమాలో ప్రభాస్ పేరు విక్రమ్ ఆదిత్య అని తనే స్వయంగా తెలియజేశాడు. అంతేకాకుండా టీజర్ చివరిలో చెప్పే డైలాగ్ అద్భుతంగా ఉందని చెప్పుకోవచ్చు. ఈ సినిమా వచ్చే సంవత్సరం సంక్రాంతి బరిలో దిగనున్నట్లుగా టీజర్ లో చూపించడం జరిగింది.ఈ మూవీలో ప్రభాస్ సరసన పొడుగు కాళ్ల సుందరి పూజా హెగ్డే నటిస్తోంది.
ఈ మూవీ ఎలా ఉంటుందో అని అభిమానులు చాలా ఆత్రుతగా ఎదురుచూస్తున్నారు. ఈ సినిమాలో ఎక్కువగా గ్రాఫిక్స్ నే ఉపయోగించినట్లు కనిపిస్తోంది. మరి ఈ సినిమా ఎలా మ్యాజిక్ చేస్తుందో చూడాలి.