టాలీవుడ్ యంగ్ హీరో నాగ చైతన్య ప్రస్తుతం ఫుల్ జోష్ లో ఉన్నాడు, ఇప్పటికే కరోనా సెకండ్ వేవ్ తర్వాత శేఖర్ కమ్ముల దర్శకత్వం లో తెరకెక్కిన లవ్ స్టోరీ సినిమా తో థియేటర్ లోకి వచ్చిన నాగ చైతన్య ఈ సినిమా తో బాక్సాఫీసు దగ్గర బ్లాక్ బస్టర్ విజయాన్ని అందుకున్నాడు. అయితే ప్రస్తుతం నాగ చైతన్య, విక్రమ్ కె కుమార్ దర్శకత్వం లో తెరకెక్కుతున్న థాంక్యూ సినిమా లో హీరో గా నటిస్తున్నాడు, ఈ సినిమాలో నాగ చైతన్య సరసన రాశి కన్నా హీరోయిన్ గా నటిస్తోంది. ఈ సినిమాను శ్రీ వెంకటేశ్వర క్రియేషన్స్ బ్యానర్ పై దిల్ రాజు నిర్మిస్తున్నాడు. ఈ సినిమాకు తమన్ స్వరాలు సమకూరుస్తున్నాడు. శర వేగంగా షూటింగ్ జరుపుకుంటున్న ఈ సినిమాకు సంబంధించిన ఒక అప్డేట్ ను తాజా గా థాంక్యూ చిత్ర బృందం విడుదల చేసింది. 

నాగ చైతన్య పుట్టిన రోజు సందర్భం గా థాంక్యూ చిత్ర బంధం నాగ చైతన్య ఫస్ట్ లుక్ పోస్టర్ ను విడుదల చేసింది. ఈ హీరో పుట్టిన రోజు సందర్భంగా చిత్ర బృందం బయటకు వదిలిన ఈ ఫస్ట్ లుక్ పోస్టర్ కు ప్రజల నుండి మంచి రెస్పాన్స్ వస్తుంది. ఇది లా ఉంటే నాగ చైతన్య ఈ సినిమా తో పాటు నాగార్జున హీరో గా కళ్యాణ్ కృష్ణ దర్శకత్వం లో తెరకెక్కుతున్న బంగార్రాజు సినిమా లో ఒక ముఖ్య పాత్రలో కనిపించబోతున్నాడు, ఈ సినిమా లో నాగ చైతన్య సరసన బ్యూటీ కృతి శెట్టి హీరోయిన్ గా నటిస్తోంది, ఈ సినిమా సోగ్గాడే చిన్నినాయన సినిమాకు సీక్వెల్ గా తెరకెక్కుతుంది. ఈ సినిమా తో పాటు  నాగ చైతన్య అమీర్ ఖాన్ ప్రధాన పాత్రలో తెరకెక్కుతున్న లాల్ సింగ్ చద్దా సినిమా తో బాలీవుడ్ లో ఎంట్రీ ఇవ్వనున్నాడు.

మరింత సమాచారం తెలుసుకోండి:

Naga chitanya

Pulgam Srinivas

23/11/2021 09:20 PM