ఇక ఇప్పుడు ఒక సినిమా విషయంలో కూడా ప్రేక్షకులు ఇలాంటిదే భావిస్తున్నారు. ఇటీవలే విక్టరీ వెంకటేష్ మీనా కాంబినేషన్లో జిత్తు జోసెఫ్ దర్శకత్వంలో తెరకెక్కిన దృశ్యం 2 సినిమా అమెజాన్ ప్రైమ్ వేదికగా విడుదలయింది. మొదటి సినిమా లాగానే ఇక ఈ సినిమా కూడా అదిరిపోయే ట్విస్ట్ లతో ప్రేక్షకులను కూడా ఆశ్చర్యపరిచింది. దృశ్యం సినిమా లో క్లోస్ అయినావరుణ్ హత్య కేసు మళ్లీ దృశ్యం 2 లో రీ ఓపెన్ అవుతుంది. దీంతో ఈ కేసు నుంచి తన ఫ్యామిలీని కాపాడుకోవడానికి రాంబాబు వేసే ఎత్తులు పైఎత్తులు ప్రేక్షకులందరినీ కూడా చూస్తున్నంతసేపు మునివేళ్ళపై నిలబెడతాయి. ఇక ఈ సినిమా ఆద్యంతం ఎంతో ఉత్కంఠభరితంగా సాగింది.
ఇక ఈ సినిమాతో విక్టరీ వెంకటేష్ మరోసూపర్ హిట్ ను తన ఖాతాలో వేసుకున్నాడు అని చెప్పాలి. దీంతో అభిమానులు కూడా ఈ సినిమా చూసి ఎంతగానో మురిసిపోతున్నారు. ఇక ఈ సినిమాలో వెంకటేష్ నటన కూడా అదిరిపోయింది. అంతా బాగానే ఉంది కానీ ఏదో కిక్ మిస్ అవుతుంది అని భావిస్తున్నారు అభిమానులు. ఈ సినిమా ఓటిటీ వేదికగా కాకుండా థియేటర్లలో విడుదలై ఉంటే మాత్రం ఆ కిక్కే వేరే ఉండేది అని అనుకుంటున్నారు అభిమానులు. థియేటర్ లో భారీ సౌండ్ మధ్య ఇక ఊహించని ట్విస్ట్ లతో ఉత్కంఠభరితంగా సాగిపోయే దృశ్యం సినిమా చూస్తే గూస్ బంప్స్ అంటూ భావిస్తున్నారు అభిమానులు.