ఇక నరేష్ మరియు నదియా కూడా మరోసారి తమ పాత్రల్లో జీవించి... బాగా నటించారు. రఫ్ కాప్గా సంపత్ రాజ్ నటన సూపర్బ్ అనే చెప్పాలి. సంపత్ రాజ్ బాడీ లాంగ్వేజ్ మరియు ఎక్స్ప్రెషన్స్ ఇన్వెస్టిగేటివ్ సినిమా మూడ్కి చాలా మ్యాచ్ అయ్యాయి. ఇక సత్యం రాజేష్ కు చాలా రోజుల తర్వాత పెద్ద పాత్ర, మంచి ప్రాధాన్యం ఉన్న పాత్ర దక్కింది.
ఇక ఈ సినిమా రన్ టైం మొత్తం 150 నిమిషాల పాటు ఉంది. ఫస్టాఫ్ లో చాలా వరకు స్లో గా సినిమా రన్ అవుతుంది. కొన్ని బోరింగ్ మూమెంట్స్ కూడా పడ్డాయి. కథలో పాత్ర లను పరిచయం చేసేందుకే చాలా వరకు టైం తీసుకున్నాడు. అయితే సినిమాలో చివరి 45 నిమిషాలూ.. కథలో మలుపులు బాగా ఆకట్టు కుంటాయి. అయితే ఫస్ట్ 100 నిమిషాలు భరించే ఓపిక మాత్రం ప్రేక్షకులకు ఉండాలి.
చివర్లో మాత్రం దర్శకుడు అదిరిపోయే ట్విస్టులతో ఆట బాగా ఆడాడనే చెప్పాలి. ఇక ఈ సినిమా ను ఓటీటీ లో రిలీజ్ చేయాలన్న నిర్మాతల నిర్ణయం నూటికి నూరు శాతం కరక్ట్ అని చెప్పాలి.