టాలీవుడ్ సినీ చరిత్రలో గుర్తుండిపోయే ఎన్నో సినిమాలో హీరో గా నటించిన రవితేజ కెరీర్ ని మలుపు తిప్పిన సినిమా "ఇడియట్". ఓ చంటి గాడి ప్రేమ కధ అంటూ తెర పై కి వచ్చిన ఈ సినిమాలో రవితేజ నటన అధ్బుతం. ఈ సినిమాలో ఆయన చెప్పే డైలాగ్స్ ఇప్పటికి యువత కొన్ని సంధర్భాల్లో వాడుతుంటారు. అంతలా అట్రాక్ట్ చేసింది ఈ సినిమా. ఇక ఆ తరువాత ఎన్నో సినిమాల్లో నటించారు . కానీ గత కొంత కాలం నుండి సరైన హిట్ లేక అల్లాడిపోతున్న రవితేజ కి "క్రాక్" సినిమాతో గోపీచంద్ మల్లినేని బ్లాక్ బస్టర్ హిట్ ఇచ్చారు. దీంతో మళ్లీ ఆయన ఫాంలోకి వచ్చారు.
ఇప్పుడు ఆయన చేతిలో 4 సినిమాలు ఉన్నాయి. అవే కాక ఇంకో రెండు సినిమాలు చర్చిస్తున్నారు. ఇక రీసెంట్ గానే మెగాస్టార్ చిరంజీవి సినిమాలో న‌టించే అవకాశం కూడా కొట్టేశాడు ఈ మాస్ హీరో. బాబీ దర్శకత్వంలో చిరు ఓ సినిమా చేస్తున్న విషయం మనకు తెలిసిందే. ఇక ఈ సినిమాలో మాస్ మహారాజా రవితేజ్ కూడా ఓ కీలక పాత్ర పోషిస్తున్నాడు. ఇందుకోసం ఆయన ఏకంగా 7కోట్లు తీసుకున్నారని ఓ వార్త సోషల్ మీడియాలో చక్కర్లు కొడుతుంది. నిజానికి మిగతా హీరోలతో కంపేర్ చేస్తే ఇది చాలా తక్కువ..కానీ రవితేజ మార్కెట్ తో పోలిస్తే ఇది ఎక్కువనే అంటున్నారు విశ్లేషకులు. మరి చూడాలి ఈ సినిమాతో రవితేజ మనల్ని ఎలా మెప్పిస్తాడో..?
