పూజా హెగ్డే, కాజల్ అగర్వాల్ హీరోయిన్స్ గా యాక్ట్ చేస్తుండగా సోను సూద్ విలన్ గా నటిస్తున్నారు. ఈ సినిమా పై మెగా ఫ్యాన్స్ తో పాటు ఆడియన్స్ లో కూడా మంచి అంచనాలు ఉన్నాయి. ఇటీవల రిలీజ్ అయిన ఈ మూవీ చిరు, చరణ్ టీజర్స్ తో పాటు సాంగ్స్ కి కూడా అందరి నుండి మంచి స్పందన లభించింది. అయితే ఈ సినిమాకి సంబంధించి ప్రస్తుతం ఒక న్యూస్ టాలీవుడ్ వర్గాల్లో వైరల్ అవుతోంది. అదేమిటంటే ఈ సినిమాలో సిద్ద గా నటిస్తున్న రామ్ చరణ్ పాత్ర సినిమాలో చనిపోతుందని అంటున్నారు. సినిమాలో రామ్ చరణ్ పాత్ర దాదాపుగా ఇరవై ఐదు నిమిషాలకు పైగా ఉంటుందని, అయితే ఫ్లాష్ బ్యాక్ లో వచ్చే పాత్ర చనిపోతేనే కథ ప్రకారం ముందుకు నడుస్తుందని సమాచారం.
అయితే తొలిసారిగా మెగాస్టార్ మెగాపవర్ స్టార్ చేస్తున్న సినిమా కావడంతో ఇందులో చరణ్ క్యారెక్టర్ నిజంగానే చనిపోతే ఫ్యాన్స్ ఎలా రిసీవ్ చేసుకుంటారు అనేది ఒకింత ఆలోచించాల్సిన విషయం. ఒకవేళ అది ఫ్యాన్స్, ప్రేక్షకులు సరిగ్గా రిసీవ్ చేసుకోకపోతే ఫలితం పై అది కొంత ప్రభావం కూడా చూపే ఛాన్స్ లేకపోలేదు అంటున్నారు. అయితే స్క్రిప్ట్ ప్రకారం దర్శకుడు కొరటాల శివ రాసుకున్న ఈ సిద్ద పాత్ర అదిరిపోవడంతో పాటు ఆ పాత్ర ప్రేక్షకాభిమానులు మనసులో నిలిచిపోతుందని ఇన్నర్ వర్గాల టాక్. మరి ప్రస్తుతం ప్రచారం అవుతున్న ఈ వార్తలో ఎంతవరకు వాస్తవం ఉందొ తెలియాలి అంటే సినిమా రిలీజ్ అయ్యేవరకు వెయిట్ చేయాల్సిందే అంటున్నారు విశ్లేషకులు.
