ఇవన్నీ వద్దు సంతోషంగా కలిసి ఉండండి అంటూ అల్లుడు, కూతురిని ఆదేశించినట్లు తెలుస్తోంది. మరి ఇందులో ఎంత నిజముందో తెలియదు. కానీ ఇకనైనా ఈ వార్త నిజం కాదని, ఇలాంటి కథనాలకు పుల్ స్టాప్ పెడితే బాగుంటుందని ఫ్యాన్స్ అభిప్రాయపడుతున్నారు. ఇక ఇండస్ట్రీలలో మాత్రం ఈ విడాకుల గోల వినిపిస్తూనే ఉంది. కర్మో లేక యాదృచ్ఛికమో తెలియడం లేదు కానీ ఇండస్ట్రీలో ఇప్పుడు విడాకుల పర్వం కొనసాగుతోంది. ఏ ఇండస్ట్రీలో చూసినా టాప్ సెలబ్రిటీలు విడాకులు తీసుకోబోతున్నట్లు ప్రకటిస్తూ ఉండడం సంప్రదాయంగా మారుతోంది. టాలీవుడ్, కోలీవుడ్, బాలీవుడ్ లోను ఇదే పరిస్థితులను చూస్తున్నాం.
ఆ మధ్య బాలీవుడ్ అగ్ర నటుడు అమీర్ ఖాన్ తన భార్య కిరణ్ రావుతో విడాకులు తీసుకుని అభిమానులకు షాక్ ఇచ్చారు. ఇది తమ వ్యక్తిగత జీవితం అని అర్దం చేసుకోవాలని ఆశిస్తున్నాను అంటూ చెప్పుకొచ్చారు.
ఆ తరవాత టాలీవుడ్ స్టార్ కపుల్ నాగచైతన్య, సమంత మనస్పర్ధలు వచ్చాయని విడాకులు అంటూ విడిపోయారు. ఇది టాలీవుడ్ లో ఒక ఉప్పెనలా మారిన విషయం తెలిసిందే. తెలుగు ప్రేక్షకులు ఇప్పటికీ ఈ విషయాన్ని జీర్ణించుకోలేకపోతున్నారు. ఇక రెండు రోజుల క్రితం కోలీవుడ్ స్టార్ హీరో ధనుష్, తన భార్య ఐశ్వర్య ( రజినీకాంత్ కుమార్తె) విడిపోతున్నాం అంటూ ప్రకటించారు. దాంతో ఒక్కసారిగా ధనుష్ మరియు రజిని కాంత్ అభిమానులు ఆందోళనలో పడ్డారు.