థమన్ సంగీతం అందిస్తున్న ఈ సినిమాకి మది కెమెరా మ్యాన్ గా పని చేస్తున్నారు. ఇక ఇటీవల రిలీజ్ అయిన ఈ సినిమా ఫస్ట్ లుక్ టీజర్ అందరి నుండి సూపర్ రెస్పాన్స్ అందుకుని మూవీపై భారీగా అంచనాలు పెంచింది. విషయం ఏమిటంటే, ఇప్పటికే డెబ్భై శాతానికి పైగా షూటింగ్ జరుపుకున్న ఈ మూవీ తదుపరి షెడ్యూల్ కొన్నాళ్ల క్రితం మహేష్ కి కరోనా సోకడంతో వాయిదా పడింది. ఇక లేటెస్ట్ గా పలు ఫిలిం నగర్ వర్గాల నుండి అందుతున్న న్యూస్ ప్రకారం ఈ మూవీ నెక్స్ట్ షెడ్యూల్ ఫిబ్రవరి 15 నుండి హైదరాబాద్ లో ప్రారంభం అవుతుందని, అక్కడి నుండి టోటల్ గా పూర్తి అయ్యేవరకు మహేష్ పని చేయనున్నారని సమాచారం.
మరోవైపు ఇటీవల తన సోదరుడు రమేష్ బాబు మరణంతో కృంగిపోయిన మహేష్ ప్రస్తుతం ఇంటివద్దనే ఉంటూ రెస్ట్ తీసుకుంటున్నారని, మరొక రెండు రోజుల అనంతరం మళ్ళి ఆయన పూర్తిగా బాడీ ఫిట్నెస్ పై దృష్టిపెట్టారనున్నారని టాక్. మొత్తంగా దీనిని బట్టి చూస్తుంటే సూపర్ స్టార్ త్వరలో రెడీ కానుండడంతో సరిగ్గా రెండు వారాల తరువాత సర్కారు వారి పాట నెక్స్ట్ షెడ్యూల్ కి స్టార్ట్, కెమెరా, యాక్షన్ రెడీ కానున్నట్లు తెలుస్తోంది. కాగా ఈ సినిమా ఏప్రిల్ 1న ప్రపంచవ్యాప్తంగా రిలీజ్ కానుంది.
