ఇందులో ఎం ఎల్ వి సత్యనారాయణ తో పాటు రాజశేఖర్ కూతురు శివాని ,శివాత్మిక లు నిర్మిస్తున్నారు. ఇప్పటివరకు ట్రైలర్, టీజర్ బాగానే ఉన్నప్పటికీ.. ఈ చిత్రం వాయిదా పడుతూ వస్తోంది. అయితే ఈ చిత్రం వాయిదా పడుతున్నట్లు చిత్రబృందం ఇంకా కన్ఫామ్ చేయలేదు. అందుకు కారణాలు కూడా ఇంకా బయటికి రావడం లేదు కేవలం సర్కారు వారి పాట, f-3 సినిమాలకు మధ్యలో వస్తే ఫలితం తేడా కొట్టే అవకాశం ఉంటుంది అనే ఉద్దేశంతోనే వీరు వెనక్కి తగ్గారని అనుమానాలు వినిపిస్తున్నాయి. మొదట ఈ చిత్రం సంక్రాంతికి విడుదల కావాల్సి ఉండగా.. కొన్ని కారణాల వల్ల ఫిబ్రవరి 4 రాజశేఖర్ పుట్టినరోజుకి విడుదల చేయాలనుకున్నారు.
కానీ అది కూడా సక్సెస్ కాలేక పోవడంతో ఈ నెల 20వ తేదీన ఈ చిత్రాన్ని విడుదల చేయడానికి సిద్ధమయ్యారు కానీ ఇప్పుడు ఇది కూడా ఎప్పుడు విడుదల చేస్తారో తెలియకపోవడంతో చిత్ర బృందం సతమతమవుతున్నారు. ఇక ఇందులో రాజశేఖర్ రిటైర్డ్ అయిన ఒక పోలీస్ ఆఫీసర్గా కనిపించబోతున్నారు. ఈ చిత్రాన్ని నేరుగా ఓ టి టి లో విడుదల చేయడానికి పలు ఆఫర్లు వచ్చాయని కానీ జీవిత రాజశేఖర్లు పట్టుబడి ఈ చిత్రాన్ని కేవలం థియేటర్లలో విడుదల చేయాలనే ఆలోచనలో ఉన్నట్లుగా తెలుస్తోంది.