యంగ్ టైగర్ ఎన్టీఆర్‌ ఇంకా మెగా పవర్ స్టార్ రామ్ చరణ్ హీరోలుగా దర్శకధీరుడు రాజమౌళి తెరకెక్కించిన బిగ్గెస్ట్ మల్టీస్టారర్ సినిమా `ఆర్ఆర్ఆర్‌(రౌద్రం రణం రుధిరం)`.బాలీవుడ్ బ్యూటీ అలియా భట్ ఇంకా హాలీవుడ్ భామ ఒలీవియా మోరిస్ ఇందులో హీరోయిన్లుగా నటించగా.. అజయ్ దేవ్‌గణ్‌, శ్రియా ఇంకా సముద్ర ఖని తదితరులు కీలక పాత్రలను పోషించారు.డివివి ఎంటర్టైన్మెంట్స్ బ్యానర్‌పై డివివి దానయ్య హై బడ్జెట్‌తో పాన్ ఇండియా స్థాయిలో నిర్మించిన ఈ సినిమా.. మే 25 వ తేదీన అట్టహాసంగా విడుదలైంది. తొలి షో నుంచే మంచి పాజిటివ్ టాక్ సొంతం చేసుకున్న ఈ మూవీ.. భారీ విజయం సాధించి బాక్సాఫీస్ వద్ద కనీవినీ ఎరుగుని రీతిలో కలెక్షన్స్‌ను రాబట్టింది. ఇప్పటికే ఎన్నో రికార్డులను నెలకొల్పిన ఆర్.ఆర్.ఆర్ సినిమా తాజాగా 500 థియేటర్లలో 50 రోజులను కూడా పూర్తిచేసుకుంది.ఇకపోతే కరోనా వైరస్ మహమ్మారి వచ్చిన తర్వాత థియేటర్స్‌లో విడుదలైన సినిమాలన్నీ కొద్ది రోజుల గ్యాప్‌లోనే ఓటీటీలో స్ట్రీమింగ్ అవుతున్న సంగతి అందరికి తెలిసిందే.



ఈ నేపథ్యంలోనే ఆర్ఆర్ఆర్ సినిమా డిజిటల్ స్ట్రీమింగ్ హక్కులను సొంతం చేసుకున్న జీ5 కంపెనీ.. మే 20న తెలుగు, తమిళ, కన్నడ ఇంకా అలాగే మలయాళ భాషల్లో స్ట్రీమింగ్ చేయబోతున్నట్లు ప్రకటించింది. దీంతో ఈ విజువల్ వండర్‌ను థియేటర్స్‌లో మిస్ అయిన వారంతా కూడా ఓటీటీలో చూడాలని సిద్ధమవుతున్నారు. కానీ, వారికి జీ5 కంపెనీ ఊహించని షాక్ ఇచ్చింది. అదేంటంటే.. ఆర్ఆర్ఆర్‌ సినిమాను ఓటీటీలో చూడాలన్నా కూడా డబ్బులు చెల్లించాల్సిందేనట.జీ5 కంపెనీ వారు ఆర్ఆర్ఆర్‌ సినిమాను ట్రాన్స్‌క్షనల్ వీడియో ఆన్ డిమాండ్(టీవీవోడీ) పద్ధతిలో అందుబాటులో తెస్తున్నారు. అంటే ఈ సినిమాను చూడాలంటే రూ.200 చెల్లించి అద్దెకు తీసుకోవాలి. లేదా కొత్తగా సబ్‌స్క్రిప్షన్ తీసుకోవాలనుకుంటే 12 నెలల ప్లాన్ రూ. 599 ఇంకా అలాగే ఆర్ఆర్ఆర్ సినిమా చూడాలనుకుంటే రూ.100 అంటే మొత్తం రూ. 699 చెల్లించాల్సి ఉంటుంది. ఇది చాలా అన్యాయం అని నెటిజన్స్ కామెంట్స్ చేస్తున్నారు.

మరింత సమాచారం తెలుసుకోండి:

Purushottham Vinay

15/05/2022 10:38 PM