తెలుగు అగ్ర హీరో మాస్ మహరాజ రవితేజ సినిమాల హిట్ తో పని లేకుండా వరుస సినిమాలను చేసుకుంటూ వస్తున్నాడు.మొన్నీ మధ్య వచ్చిన క్రాక్ సినిమాతో ట్రాక్ లోకి వచ్చాడు రవి తేజ.. ఆ సినిమా తర్వాత వచ్చిన సినిమా అనుకున్న హిట్ ను అందించ లేకపోయింది.దాంతో ఇప్పుడు మరో సినిమా పై ఫోకస్ పెట్టాడు.. ఆ సినిమానే రామారావు ఆన్ డ్యూటీ..ఇప్పటికే షూటింగ్ పనులు ముగించుకుని పోస్ట్ ప్రొడక్షన్ పనుల్లో బిజీగా ఉంది..ఈ సినిమాను దర్శకుడు శరత్ మండవ తెరకెక్కిస్తుండగా, ఔట్ అండ్ ఔట్ యాక్షన్ ఎంటర్‌టైనర్ మూవీగా ఈ సినిమా రాబోతోంది.


ఇప్పటికే రిలీజ్ అయిన ఈ సినిమా పోస్టర్స్, టీజర్, సాంగ్స్ ఈ సినిమాపై మంచి బజ్‌ను క్రియేట్ చేశాయి.అయితే తాజాగా ఈ సినిమాపై మాస్ వర్గాల్లో అంతగా బజ్ క్రియేట్ కాలేదనే వార్తలు వస్తున్న నేపథ్యంలో ఈ సినిమాలోని మాస్ మసాలా సాంగ్ ప్రోమోను చిత్ర యూనిట్ రిలీజ్ చేసింది. ''నా పేరు సీసా..'' అంటూ సాగే ఈ పాటలో హాట్ ఐటెం బాంబ్ అన్వేషి జైన్ ఘాటైన అందాల ఆరబోతతో పాటు అదిరిపోయే డ్యాన్స్ స్టెప్పులు కూడా ఉండబోతున్నట్లు ఈ ప్రోమో చూస్తే అర్థమవుతోంది. ఇక ఈ పాటకు లిరిక్స్ ప్రముఖ రచయిత చంద్రబోస్ అందించగా, ఈ పాటను స్టార్ సింగర్ శ్రేయా ఘోషల్ ఆలపించింది.


సామ్ సీఎస్ సంగీతం అందించిన ఈ మాస్ మసాలా ఫుల్ సాంగ్‌ను జూలై 2న రిలీజ్ చేస్తున్నట్లు చిత్ర యూనిట్ పేర్కొంది. దీంతో ఈ పూర్తి పాటను ఎప్పుడెప్పుడు చూద్దామా అని మాస్ ఆడియెన్స్ అప్పుడే ఎంతో ఆసక్తిగా ఎదురుచూస్తున్నారు. ఇక ఈ సినిమాలో రవితేజ పాత్ర చాలా పవర్‌ఫుల్‌గా ఉండబోతున్నట్లు ఇప్పటికే రిలీజ్ అయిన టీజర్లలో మనకు చూపించారు. ఈ సినిమాలో రవితేజ సరసన అందాల భామలు దివ్యాంశ కౌశిక్, రజిషా విజయన్‌లు హీరోయిన్లుగా నటిస్తున్నారు. ఈ సినిమాను ప్రపంచవ్యాప్తంగా జూలై 29న భారీ అంచనాల మధ్య రిలీజ్ చేసేందుకు చిత్ర యూనిట్ సన్నాహాలు చేస్తుంది.

మరింత సమాచారం తెలుసుకోండి:

Ramarao on duty

Satvika

30/06/2022 08:00 PM