మలయాళ బ్యూటీ సంయుక్త మీనన్ గురించి ప్రత్యేకంగా తెలుగు సినీ ప్రేమికులకు పరిచయం చేయాల్సిన అవసరం లేదు. సంయుక్త మీనన్ , దగ్గుపాటి రానా , పవర్ స్టార్ పవన్ కళ్యాణ్ హీరో లుగా సాగర్ కే చంద్ర దర్శకత్వంలో , మాటల మాంత్రికుడు త్రివిక్రమ్ శ్రీనివాస్ స్క్రీన్ ప్లే లో సన్సేషనల్ మ్యూజిక్ డైరెక్టర్ ఎస్ ఎస్ తమన్ సంగీత సారథ్యంలో తెరకెక్కిన భీమ్లా నాయక్ మూవీ తో తెలుగు ప్రేక్షకులను పలకరించింది. సంయుక్త మీనన్ ఈ మూవీ లో దగ్గుబాటి రానా కి జోడిగా నటించింది. ఈ మూవీ లో సంయుక్త మీనన్ పాత్ర నిడివి పరంగా చూసుకుంటే కాస్త తక్కువ సమయమే కనిపించినప్పటికీ ఈ మూవీ లో సంయుక్త మీనన్ పాత్రకు మంచి ప్రాముఖ్యత ఉండడంతో ఈ మూవీ ద్వారా టాలీవుడ్ ఇండస్ట్రీ లో సంయుక్త మీనన్ కి మంచి గుర్తింపు లభించింది.

ఇలా టాలీవుడ్ ఇండస్ట్రీ లోకి ఎంట్రీ ఇచ్చిన మొదటి మూవీ తోనే మంచి విజయాన్ని బాక్సా ఫీస్ దగ్గర అందుకున్న ఈ ముద్దుగుమ్మ తాజాగా కళ్యాణ్ రామ్ హీరోగా తెరకెక్కిన బింబిసార మూవీ లో కూడా హీరోయిన్ గా నటించింది. ఈ మూవీ  కూడా విడుదల అయిన మొదటి రోజే మంచి టాక్ ను తెచ్చుకుంది. ఇప్పటికే బాక్సా ఫీస్ దగ్గర ఈ మూవీ మంచి విజయాన్ని అందుకుంది. ఇలా ఈ ముద్దుగుమ్మ నటించిన రెండు సినిమాలతో కూడా మంచి విజయాలను అందుకని టాలీవుడ్ ఇండస్ట్రీలో తన కెరీర్ ని ఫుల్ జోష్ లో ముందుకు సాగిస్తోంది. ఇది ఇలా ఉంటే ప్రస్తుతం సంయుక్త మీనన్ , కోలీవుడ్ స్టార్ హీరోల్లో ఒకరైన ధనుష్ హీరోగా వెంకీ అట్లూరి దర్శకత్వంలో తెరకెక్కుతున్న సార్ మూవీ లో హీరోయిన్ గా నటిస్తోంది.

మరింత సమాచారం తెలుసుకోండి:

samyuktha menan

Pulgam Srinivas

13/08/2022 08:37 PM