మెగాస్టార్ చిరంజీవి తాజాగా గాడ్ ఫాదర్ అనే మూవీ లో హీరో గా నటించిన విషయం మన అందరికీ తెలిసిందే. ఈ మూవీ కి మోహన్ రాజా దర్శకత్వం వహించగా ,  బాలీవుడ్ కండల వీరుడు సల్మాన్ ఖాన్ ఈ మూవీ లో ఒక కీలక పాత్రలో నటించాడు. తెలుగు సినిమా ఇండస్ట్రీ లో మంచి నటుడి గా గుర్తింపు తెచ్చుకున్న సత్య దేవ్ ఈ మూవీ లో విలన్ పాత్రలో నటించాడు. లేడీ సూపర్ స్టార్ నయన తార ఈ మూవీ లో చిరంజీవి కి చెల్లెలు పాత్రలో నటించింది.

ఈ మూవీ ని అక్టోబర్ 5 వ తేదీన తెలుగు మరియు హిందీ భాషలలో విడుదల చేయనున్నారు. ఈ మూవీ విడుదల తేదీ దగ్గర పడడంతో ఇప్పటికే ఈ మూవీ నుండి చిత్ర బృందం కొన్ని ప్రచార చిత్రాలను విడుదల చేయగా ,  వాటికి ప్రేక్షకుల నుండి మంచి ఆదరణ లభించింది. కొన్ని రోజుల క్రితమే ఈ మూవీ యూనిట్ ఈ సినిమా ట్రైలర్ విడుదల చేయగా ఈ సినిమా ట్రైలర్ కు ప్రస్తుతం ప్రేక్షకుల నుండి అద్భుతమైన రెస్పాన్స్ లభిస్తుంది.

ఇది ఇలా ఉంటే తాజాగా గాడ్ ఫాదర్ మూవీ యూనిట్ ఈ మూవీ కి సంబంధించిన ఒక క్రేజీ అప్డేట్ ను విడుదల చేసింది. గాడ్ ఫాదర్ మూవీ యూనిట్ తాజాగా ఈ మూవీ హిందీ ట్రైలర్ ని ఈ రోజు మధ్యాహ్నం 2 గంటలకు ముంబై లో విడుదల చేయనున్నట్లు మరియు ప్రెస్ మీట్ ను ఈ రోజు ముంబై లో 2 గంటలకు నిర్వహించనున్నట్లు మూవీ యూనిట్ అధికారికంగా ప్రకటించింది. ఈ మూవీ లో సల్మాన్ ఖాన్ కూడా ఒక ముఖ్య పాత్రలో నటించడంతో ఈ మూవీ పై హిందీ ప్రేక్షకులు కూడా మంచి అంచనాలు పెట్టుకున్నారు. మరి గాడ్ ఫాదర్ మూవీ బాక్స్ ఆఫీస్ దగ్గర ఏ రేంజ్ విజయాన్ని దక్కించుకుంటుందో తెలియాలి అంటే మరి కొంత కాలం వేచి చూడాల్సిందే.

మరింత సమాచారం తెలుసుకోండి:

Pulgam Srinivas

01/10/2022 11:32 AM