పవర్ స్టార్ పవన్ కళ్యాణ్ ప్రస్తుతం ఒక మూవీ సెట్స్ పై ఉండగానే మరో మూవీ ని సెట్ చేస్తూ ఫుల్ జోష్ లో సినీ కెరియర్ ముందుకు తీసుకు వెళుతున్న విషయం మన అందరికీ తెలిసిందే. ఇప్పటికే ఈ సంవత్సరం భీమ్లా నాయక్ మూవీ తో బ్లాక్ బాస్టర్ విజయాన్ని బాక్స్ ఆఫీస్ దగ్గర సొంతం చేసుకున్న పవన్ కళ్యాణ్ , ప్రస్తుతం హరిహర వీరమల్లు అనే భారీ బడ్జెట్ పాన్ ఇండియా మూవీ లో హీరో గా నటిస్తున్నాడు. ప్రస్తుతం ఈ మూవీ షూటింగ్ ఫుల్ స్పీడ్ లో జరుగుతుంది. టాలెంటెడ్ డైరెక్టర్ క్రిష్ జాగర్లమూడి ఈ భారీ బడ్జెట్ పాన్ ఇండియా మూవీ కి దర్శకత్వం వహిస్తూ ఉండగా , మోస్ట్ గార్జియస్ హీరోయిన్ లలో ఒకరు అయినటు వంటి నిది అగర్వాల్ ఈ మూవీ లో పవన్ కళ్యాణ్ సరసన హీరోయిన్ గా నటిస్తోంది. ఎం ఎం కీరవాణి ఈ మూవీ కి సంగీతం అందిస్తున్నాడు.

ఇది ఇలా ఉంటే పవన్ కళ్యాణ్ తాజాగా తన తదుపరి మూవీ కి సంబంధించిన అప్డేట్ ను విడుదల చేసిన విషయం మనకు తెలిసింది. రన్ రాజా రన్ , సాహో మూవీ లతో దర్శకుడిగా తనకంటూ ఒక మంచి గుర్తింపును ఏర్పరుచుకున్న సుజిత్ దర్శకత్వంలో పవన్ కళ్యాణ్ తన తదుపరి మూవీ ని చేయబోతున్నాడు. తాజాగా ఇందుకు సంబంధించిన అధికారిక ప్రకటన కూడా వెలువడింది. ఈ మూవీ ని ప్రముఖ నిర్మాత డి వి వి దానయ్య డి వి వి ఎంటర్టైన్మెంట్ బ్యానర్ పై నిర్మించబోతున్నాడు. ఇది ఇలా ఉంటే ఈ క్రేజీ కాంబినేషన్ లో తెరకెక్కబోయే మూవీ గురించి మెగా పవర్ స్టార్ రామ్ చరణ్ సోషల్ మీడియా వేదికగా స్పందించాడు. రామ్ చరణ్ సోషల్ మీడియా వేదికగా పవన్ కళ్యాణ్ మరియు సుజిత్ కాంబినేషన్ సూపర్. ఈ మూవీకి బెస్ట్ విషెస్ అంటూ రామ్ చరణ్ సోషల్ మీడియా వేదికగా ఓ పోస్ట్ చేశాడు.

మరింత సమాచారం తెలుసుకోండి:

Pulgam Srinivas

05/12/2022 05:20 PM