తెలుగు సినీ పరిశ్రమంలో తనకంటూ ఒక మంచి గుర్తింపును సంపాదించుకున్న దర్శకులలో వై వి ఎస్ చౌదరి ఒకరు. ఈయన ఇప్పటికే అనేక సినిమాలకు దర్శకత్వం వహించాడు. అందులో కొన్ని సినిమాలు మంచి విజాయలను కూడా అందుకున్నాయి. ఇకపోతే ఆఖరుగా ఈ దర్శకుడు రేయ్ అనే సినిమాకు దర్శకత్వం వహించాడు. ఈ మూవీ బాక్స్ ఆఫీస్ దగ్గర పెద్ద స్థాయి విజయాన్ని అందుకోలేదు. ఇకపోతే తాజాగా ఈయన ఓ ఇంటర్వ్యూ లో పాల్గొన్నాడు.

అందులో భాగంగా ఈయన దర్శకత్వంలో రూపొందిన దేవదాస్ సినిమా విడుదల సమయంలో ఎలాంటి సన్నివేశాలు జరిగాయి అని వివరాలను ఈ దర్శకుడు చెప్పుకొచ్చాడు. నేను దర్శకత్వం వహించిన దేవదాసు సినిమా 2006 వ సంవత్సరం సంక్రాంతి పండుగ సందర్భంగా జనవరి 11 వ తేదీన విడుదల అయింది. ఆ సినిమా విడుదల సమయంలో రామ్ కి పెద్దగా మార్కెట్ లేదు. దానితో ఆ సినిమాను ఎవరూ పట్టించుకోలేదు. ఇక ఆ తర్వాత రోజు స్టైల్ సినిమా విడుదల అయింది. ఆ సినిమాలో టాలీవుడ్ బిగ్గెస్ట్ మాస్ హీరో అయినటువంటి మెగాస్టార్ చిరంజీవి , టాలీవుడ్ బిగ్గెస్ట్ క్లాస్ హీరో అయినటువంటి నాగార్జున ఇద్దరు కూడా ఆ సినిమాలో గెస్ట్ పాత్రలలో నటించారు.

దానితో ఆడియన్స్ అంతా అటు వైపే మొగ్గు చూపారు. దెబ్బకు నా సినిమా పని అయిపోయింది. ఆ తర్వాత చుక్కల్లో చంద్రుడు , లక్ష్మి మూవీ లు విడుదల అయ్యాయి. జనాలు అంతా ఈ మూడు సినిమాల పైన ఇంట్రెస్ట్ చూపించారు. ఇక సంక్రాంతి హాలిడేస్ మొత్తం ముగిశాక నా సినిమాను నేను పబ్లిసిటీ చేసుకున్నాను. ఆ తర్వాత సినిమాకి జనాలు రావడం మొదలు అయింది. అలా స్టైల్ , చుక్కల్లో చంద్రుడు , లక్ష్మి మూవీ ల ప్రభావంతో నా సినిమాకు మొదట పెద్దగా కలెక్షన్ లు రాలేదు అని వైవిఎస్ చౌదరి తాజాగా చెప్పుకొచ్చాడు.

మరింత సమాచారం తెలుసుకోండి: