సినిమా ఇండస్ట్రీలో కుర్ర హీరోయిన్లకు ఉన్నంత క్రేజ్ సీనియర్ హీరోయిన్లకు ఉంటాది అనే భావన చాలా మంది ప్రేక్షకుల్లో ఉంటుంది. ఎందుకు అంటే హీరోల కెరియర్ తో పోలిస్తే హీరోయిన్ల కెరియర్ అంత లాంగ్ పీరియడ్లో ఉండదు. ఎవరో ఒకరు , ఇద్దరు హీరోయిన్లు మాత్రమే హీరోల స్థాయిలో కెరియర్ను ముందుకు సాగిస్తూ ఉంటారు. అలా లాంగ్ కెరియర్ లో కూడా మంచి అవకాశాలను దక్కించుకుంటున్న లిస్టులో మన సౌత్ ఇండస్ట్రీలో కూడా కొంత మంది బ్యూటీలు ఉన్నారు. అలాంటి వారిలో మోస్ట్ బ్యూటిఫుల్ అండ్ వెరీ టాలెంటెడ్ నటిమని త్రిష ఒకరు.

ఈమె సినిమాలను ప్రారంభించిన కొత్తలోనే ఇటు కోలీవుడ్ , అటు టాలీవుడ్ రెండు ఇండస్ట్రీలలోనూ అదిరిపోయే రేంజ్ విజయాలను అందుకుంది. అలాగే దాదాపు ఈ రెండు ఇండస్ట్రీలలో ఉన్న అందరూ స్టార్ హీరోల పక్కన నటించింది. ఇలా చాలా సంవత్సరాల పాటు అద్భుతమైన జోష్ లో కెరియర్ ను ముందుకు సాగించిన ఈ బ్యూటీ కి మధ్యలో కొంత కాలం భారీ స్థాయిలో సినిమా ఆఫర్లు రాలేదు. ఇక మళ్ళీ ఈ బ్యూటీ వరుస సినిమా ఆఫర్ లతో ఫుల్ జోష్ లో దూసుకుపోతుంది.

కొంత కాలం క్రితం ఈమె కోలీవుడ్ స్టార్ హీరో అయినటువంటి తలపతి విజయ్ హీరో గా రూపొందిన లియో సినిమాలో హీరోయిన్ గా నటించింది. ప్రస్తుతం టాలీవుడ్ ఇండస్ట్రీలో సీనియర్ స్టార్ హీరోలలో ఒకరు అయినటువంటి మెగాస్టార్ చిరంజీవి హీరోగా రూపొందుతున్న విశ్వంభర అనే సినిమాలో హీరోయిన్ గా నటిస్తోంది. ఇకపోతే రెబల్ స్టార్ ప్రభాస్ హీరో గా సందీప్ రెడ్డి వంగా దర్శకత్వంలో రూపొందబోయే స్పిరిట్ మూవీ లో ఈ బ్యూటీ హీరోయిన్ గా ఎంపిక అయినట్లు వార్తలు వస్తున్నాయి. ఇలా సీనియారిటీ పెరిగే కొద్దీ ఈమెకు క్రేజీ సినిమాల్లో అవకాశాలు భారీగా దక్కుతున్నాయి. మరి త్రిష ఇలా తన కెరియర్ ను మరెంత కాలం ముందుకు సాగిస్తుందో చూడాలి.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

MADDIBOINA AJAY KUMAR

08/08/2024 09:05 AM