నాగ్ అశ్విన్ మంచి దర్శకుడు మాత్రమే కాదు మంచి మనసున్న వ్యక్తి కూడా. ఆ విషయం తాజాగా ప్రూవ్ అయింది. ఈ డైరెక్టర్ తన సొంత గ్రామంలో ఉన్న ఒక బడిలో ఎక్స్ట్రా రూమ్స్ తన సొంత డబ్బులతో నిర్మించాడు. వాటిని ప్రారంభించడానికి ఇటీవల స్వగ్రామానికి వెళ్ళాడు. నాగ్ అశ్విన్ నాగర్ కర్నూల్ జిల్లా, తాడూరు మండలం, ఐతోలులో జన్మించాడు. అదే గ్రామంలో పిల్లలకు చదువుకోడానికి సొంతంగా డబ్బులు ఖర్చు పెట్టి పాఠశాలలో అదనపు గదులను కట్టించాడు.
వీటిని ప్రారంభించే కార్యక్రమంలో నాగ్ అశ్విన్ తో పాటు ఎమ్మెల్యే రాజేష్ కలెక్టర్ సంతోష్ తదితరులు పాల్గొన్నారు. ఈ విషయం తెలిసిన చాలామంది ఈ డైరెక్టర్ని పొగడ్తలతో ముంచెత్తుతున్నారు. పుట్టిన ఊరుని మర్చిపోకుండా వారికి తన వంతుగా సహాయం చేసిన నాగ్ అశ్విన్ ప్రశంసిస్తున్నారు. అందరూ కూడా ఇలాగే తమ సొంత ఊర్లను ఆదుకుంటే బాగుంటుందని కోరుకుంటున్నారు.
2024లో బుజ్జి & భైరవ అనే ఓ యానిమేటెడ్ సైన్స్ ఫిక్షన్ కామెడీ టెలివిజన్ మినిసిరీస్ నాగ్ అశ్విన్ డైరెక్ట్ చేశాడు. ఇది అమెజాన్ ప్రైమ్ లో అందుబాటులో ఉంది. ఇది ఒకటే సీజన్ 2 ఎపిసోడ్స్ కలిగి ఉంటుంది. కల్కి, ఫ్రాంచైజీ ప్రపంచాన్ని పరిచయం చేయడంలో ఈ మినీ సిరీస్ సక్సెస్ అయిందని చాలామంది ప్రశంసించారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి