విషయం ఏంటంటే.... అప్పట్లో ఇంద్ర సినిమాని వైజయంతి మూవీస్ పతాకం పైన అశ్విని దత్ ఇంద్ర సినిమాని రూపొందించడం జరిగినది. కాగా అప్పట్లో ఈ సినిమా సంచలన విజయం నమోదు చేసింది. అయితే ఈ మధ్యకాలంలో రి రిలీజ్ ట్రెండ్ మొదలవడంతో... అశ్విని దత్ ఈ సినిమాని మెగాస్టార్ చిరంజీవి బర్త్డేని పురస్కరించుకొని రిలీజ్ చేస్తామని గత నెలలో ట్వీట్ చేయడం జరిగింది. అయితే ఇంకో పది రోజులలో మెగాస్టార్ పుట్టినరోజు వేడుకలు జరగనున్నాయి.. ఈ తరుణంలో మెగా ఫ్యాన్స్.. " అసలు ఇంద్ర సినిమా రీ రిలీజ్ చేస్తున్నారా దత్తు గారు? " అంటూ సోషల్ మీడియాలో వైజయంతి మూవీస్ ని ఉద్దేశించి కామెంట్స్ చేస్తున్నారు. అయితే ఇందులో విషయం లేకపోలేదు!
దాదాపు నెల రోజుల క్రితం ఇంద్ర సినిమాని రీ రిలీజ్ చేస్తామని చెప్పుకొచ్చిన దత్తు గారు.. ఆ తరువాత పత్తా లేకుండా పోయారు. చిరు బర్త్డేకి ఇంకా జస్ట్ 10 రోజులు మాత్రమే మిగిలి ఉంది. అయినప్పటికీ, వైజయంతి మూవీస్ వారి నుండి ఎటువంటి రిప్లై రాకపోవడంతో మెగా ఫ్యాన్స్ తీవ్రమైన మానసిక ఒత్తిడికి గురవుతున్నారు. ఈ నేపథ్యంలోనే వైజయంతి మూవీస్ బ్యానర్ ని ట్యాగ్ చేస్తూ పై విధంగా స్పందిస్తున్నారు. 2002లో అశ్విని దత్ నిర్మాణ సారధ్యంలో, బి గోపాల్ దర్శకత్వంలో తెరకెక్కిన ఇంద్ర సినిమా అప్పట్లో సంచలన విజయం సాధించింది. మరి ముఖ్యంగా ఈ సినిమాలోని మెగాస్టార్ చిరంజీవి చేసిన డాన్స్ కు అప్పటి యువత పిచ్చెక్కిపోయింది. ఇక మాస్ సర్కిల్స్ లో మెగాస్టార్ చిరంజీవి కి ఉన్న ఇమేజ్ గురించి ఇక్కడ ప్రత్యేకించి చెప్పాల్సిన పని లేదు. వారే ఇప్పుడు ఈ సినిమా రీ రిలీజ్ కోసం కళ్ళు కాయలు కాసేటట్టు ఎదురు చూస్తున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి