మాస్ రాజా రవితేజ గురించి ఎంత చెప్పుకున్న తక్కువే. అసిస్టెంట్ డైరెక్టర్‌గా కెరీర్ ప్రారంభించిన రవితేజ , ఆ తర్వాత క్యారెక్టర్ ఆరిస్టుగా మారి పలు సినిమాల్లో నటించారు. శ్రీను వైట్ల దర్శకత్వం వహించిన 'నీకోసం' సినిమాతో హీరోగా అవతారం ఎత్తిన రవితేజ, పూరీ జగన్నాథ్ దర్శకత్వంలో వచ్చిన ఇట్లు శ్రావణి సుబ్రమణ్యం సినిమాతో సక్సెస్ ఫుల్ హీరోగా మారారు. ఆ తర్వాత వరుస సినిమాలు చేస్తూ స్టార్ హీరో స్థాయికి రవితేజ ఎదిగారు. గతంలో రవితేజ పలు హీరోల సినిమాల్లో క్యారెక్టర్ ఆర్టిస్ట్‌గా నటించారు, తర్వాత ఆ హీరోలే రవితేజ సినిమాల్లో క్యారెక్టర్ ఆరిస్టులుగా నటించారు.అందరి హీరోల అభిమానులు రవితేజను అభిమానిస్తుంటారు. ఇప్పటికి కూడా యంగ్ హీరోలకు రవితేజ గట్టి పోటీనిస్తున్నారు. ఇదిలా ఉంటేయాక్టర్ల అన్న తర్వాత అన్ని రకాల పాత్రలు చేయాలి. నేను ఆ పాత్రలో మాత్రమే కనిపిస్తానంటూ గిరి గీసుకుని కూర్చుంటే ఇక్కడ అవకాశాలు దక్కవు. అయితే ఓ సినిమాలో హీరో పక్కన హీరోయిన్‌గా నటించిన ఓ భామ, అదే హీరో లవర్‌గా, వదినగా కూడా నటించడం అంటే సాధారణ విషయం కాదు. అలా నటించింది మరెవ్వరో కాదు.. రవితేజ-శృతి హాసన్. వీరిద్దరు కలిసి మూడు సినిమాల్లో నటించారు. బలుపు, క్రాక్, వాల్తేరు వీరయ్య. ఈ మూడు సినిమాల్లో కూడా రవితేజ-శృతి హాసన్ మూడు రకాలుగా కనిపించారు.బలుపు సినిమాలో రవితేజకు లవర్‌గా కనిపించిన శృతి హాసన్, క్రాక్ సినిమాతో రవితేజకు భార్యగా కనిపించారు. చిరంజీవి హీరోగా నటించిన వాల్తేరు వీరయ్య సినిమాలో రవితేజ ఆయన తమ్ముడు పాత్రలో కనిపించారు. ఈ సినిమాలో చిరంజీవి సరసన శృతి హాసన్ నటించారు. అంటే రవితేజకు వదిన అవుతారన్న మాట. ఇలా మూడు సినిమాల్లో మూడు ప్రత్యేక పాత్రల్లో శృతి హాసన్ కనిపించి అలరించారు. విచిత్రం ఏమిటంటే ఈ మూడు సినిమాలు కూడా బాక్సాఫీస్ వద్ద మంచి విజయాలను నమోదు చేశాయి.ఇదిలావుండగా శ్రుతి హాసన్ చివరిసారిగా సలార్ చిత్రంలో కనిపించింది.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

socialstars lifestyle

FARMANULLA SHAIK

10/12/2024 11:15 AM