అప్పుడు ఆ లక్కీ ఛాన్స్ నానికి దక్కిందని వార్తలు వచ్చాయి. ఈ ప్రాజెక్ట్ కూడా “ఓ.జి యూనివర్స్” లో భాగంగా ఉండబోతోందని సమాచారం వినిపించింది. అయితే దీనిపై సుజిత్ గానీ, నాని గానీ ఇప్పటివరకు ఎటువంటి అధికారిక ప్రకటన చేయలేదు.
ఇదిలా ఉండగా, ఈ సినిమాకి సంబంధించిన పూజా కార్యక్రమాలు ఇప్పటికే పూర్తయినట్టు వార్తలు వచ్చాయి. నాని అభిమానులు ఈ ప్రాజెక్ట్పై భారీ స్థాయిలో అంచనాలు పెట్టుకున్నారు. ఎందుకంటే నాని — సుజిత్ కాంబినేషన్ అనగానే కథ, ట్రీట్మెంట్, మేకింగ్ అన్నీ కొత్త రేంజ్లో ఉండబోతాయని అందరూ అనుకున్నారు.
కానీ, అకస్మాత్తుగా ఈ సినిమా ఆగిపోయిందని, లేదా హోల్డ్లోకి వెళ్లిందని సోషల్ మీడియాలో వార్తలు వినిపించడం మొదలైంది. దానికి కారణం నాని బిజీ షెడ్యూల్నేనట. ప్రస్తుతం నాని వరుస సినిమాలతో బిజీగా ఉండడంతో, సుజిత్ ఈ సినిమా కోసం ఎక్కువ కాలం వేచి ఉండాల్సి వస్తుందట.
అంత టైం వెయిట్ చేయడం ఇష్టం లేక సుజిత్ ఈ మధ్య గ్యాప్లో మరొక పెద్ద హీరోతో కొత్త సినిమా చేయడానికి కమిట్ అయ్యాడట. దీంతో కొంతమంది “నాని సినిమా పూర్తిగా ఆగిపోయింది” అని చెబుతుంటే, మరికొంతమంది “అది ఆగలేదు, కేవలం హోల్డ్లోకి వెళ్లింది. నాని ప్రస్తుత కమిట్మెంట్స్ పూర్తయ్యాక తిరిగి ఆ ప్రాజెక్ట్ను మొదలుపెడతారు” అని అంటున్నారు.
ఇంకా ఆసక్తికరమైన విషయం ఏమిటంటే, నానితో సినిమా చేయబోతున్నాడని వార్త బయటకు వచ్చినప్పుడు పలువురు స్టార్ హీరోలు కూడా ఆ లక్కీ ఛాన్స్ తమకు రాలేదని కొంత నిరాశ వ్యక్తం చేశారని ఫిల్మ్ సర్కిల్స్లో టాక్ వచ్చింది. ఇప్పుడు ఆ ప్రాజెక్ట్ నిలిచిపోయిందని తెలిసి, “ఇప్పుడు మా కళ్ళు చల్లబడ్డాయి” అంటూ కొందరు ఘాటు ట్రోల్స్ చేస్తున్నారు.
ఏది ఏమైనా, నాని — సుజిత్ కాంబినేషన్లో సినిమా వస్తే అది ఖచ్చితంగా భారీ అంచనాలు రేపే ప్రాజెక్ట్ అవుతుందని మాత్రం ఎవరూ ఖండించలేరు. ఇప్పుడు ఆ సినిమా నిజంగా నిలిచిపోయిందా, లేక హోల్డ్లో ఉందా అనే విషయం తెలుసుకోవాలంటే అధికారిక ప్రకటన రాక తప్పదు. అప్పటివరకు మాత్రం సోషల్ మీడియాలో ఈ టాపిక్ ట్రెండింగ్లోనే కొనసాగుతుంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి