టాలీవుడ్ లో ఇప్పుడు ఎక్కువగా హర్రర్, కామెడీ మూవీల ట్రెండ్ నడుస్తుంది. ముఖ్యంగా సస్పెన్స్, థ్రిల్లర్ సినిమాలు బాగా వస్తున్నాయి. ఎక్కడికి పోతావు చిన్నవాడ సినిమాలో దెయ్యంగా నటించిన నందిత శ్వేత ఆ తరహా సినిమాల్లో ఎక్కువగా నటిస్తుంది. తాజాగా నందిత శ్వేత ముఖ్య పాత్రలో బి.చిన్నికృష్ణ దర్శకత్వం వహించిన ‘అక్షర’మూవీ ప్రేక్షకుల ముందుకు రావడానికి 'అక్షర' సిద్ధమవుతోంది.
అజయ్ ఘోష్ వాయిస్ ఓవర్ తో ఈ టీజర్ మొదలైంది. ఈ మూవీలో నందితా శ్వేత టీచర్ గా నటిస్తుంది..ఆమెను చంపేయాలని కిడ్నాప్ చేస్తారు. పెద్ద వయసు కలిగిన అజయ్ ఘోష్ తో ఏ పనిపాట లేని ముగ్గురు వ్యక్తులు పరిచయం అయిన తర్వాత డబ్బు కోసం ఏ పనిచేశారు..ఎందుక కిడ్నాప్ చేశారు, ఆ తర్వాత కథ ఎలాంటి మలుపులు తిరిగింది అనేదే సినిమా కాన్సెప్ట్ అని తెలుస్తుంది. అక్షర మూవీలో ఓ వైపు సస్పెన్స్ కొనసాగిస్తూనే కామెడీ చూపిస్తున్నారు.
ఈ మూవీలో షకలక శంకర్, మదు నందన్, సత్య ముఖ్య భూమిక పోషించారు. వారు చేసే కామెడీకి థియేటర్లో కూర్చున్న ప్రేక్షకులు పొట్ట చెక్కలయ్యేలా నవ్వుకుంటారని చిత్ర యూనిట్ తెలిపింది. త్వరలోనే ఈ సినిమా ప్రేక్షకుల ముందుకు రానుంది.