ఈ మద్య ఫ్యాన్ ఫాలోయింగ్ పెంచుకోవాలంటే స్టార్లు ఎక్కువ శాతం సోషల్ మాద్యమాలనే ఫాలో అవుతున్నారు. ఒకప్పుడు ప్రింట్ మీడియా, ఎలక్ట్రానిక్ మీడియాల ద్వారా ప్రజలకు చేరు అయ్యేవారు. కానీ ఇప్పుడు ఫేస్ బుక్, ట్విట్టర్, ఇన్స్ స్ట్రాగామ్ లాంటి సోషల్ మాద్యమాల ద్వారా అభిమానులతో నేరుగా కనెక్ట్ అవుతున్నారు. తమ సినీ విశేషాలను భారీస్థాయిలో ప్రచారం చేసుకునేందుకు సామాజిక మాధ్యమాన్ని అయితే వీటి ద్వారా కొన్ని సార్లు తలనొప్పులు ఉన్నా పాపులారిటీ రావాలంటే ఎంత ఫ్యాన్ ఫాలోయింగ్ తెలియాలంటే ఇలాంటి సోషల్ మాద్యమాలు వాడక తప్పడం లేదు.
ఈ నేపథ్యంలో చాలామంది స్టార్లు సోషల్ నెట్వర్కింగ్ సైట్లలో క్రియాశీలకంగా ఉండేందుకు ప్రయత్నిస్తుంటారు. తాజాగా, టాలీవుడ్ అగ్రహీరో రామ్ చరణ్ కూడా ఇన్ స్టాగ్రామ్ లో అడుగుపెట్టారు. రామ్ చరణ్ ఇన్ స్టాగ్రామ్ లో ఆల్వేస్ రామ్ చరణ్ అంటూ ఖాతా తెరిచారు. అయితే ఇప్పటి వరకు ఇందులో తన ప్రొఫైల్ పిక్ ని మాత్రమే ఉంచారు..కాగా, ఆయన ఖాతా ప్రారంభించిన కొద్దిసేపట్లోనే 16.7 వేలమందికి పైగా అనుసరించడం మొదలుపెట్టారు.
ఇన్ స్టాగ్రామ్ కూడా ఆ అకౌంట్ ను వెరిఫై చేయడంతో అది నిజంగా రామ్ చరణ్ అకౌంటేనని అర్థమవుతోంది. మరి టాలీవుడ్,కోలీవుడ్, మాలీవుడ్,బాలీవుడ్ లో ఉన్న రాంచరణ్ క్రేజ్ కి ఇన్ స్ట్రాగామ్ లో ఎంత మంది ఫాలోవర్స్ పెరిగిపోతారో అది ఎన్ని రికార్డులు క్రియేట్ చేస్తుందో చూడాలి.
