మహర్షి తరువాత సూపర్ స్టార్ మహేష్ బాబు నటిస్తున్న తాజా చిత్రం 'సరిలేరునికెవ్వరు'. ప్రస్తుతం ఈ చిత్రం యొక్క షూటింగ్ హైదరాబాద్ లో శరవేగంగా జరుగుతుంది. ఈషెడ్యూల్ లో ఇప్పటికే ట్రైన్ ఎపిసోడ్ ను పూర్తి చేశారు. ఈ లాంగ్ ఎపిసోడ్ హిలేరియస్ గా ఉండి సినిమాలో హైలైట్ కానుందట. కాగా సుమారు 13 సంవత్సరాల తరువాత మళ్ళీ విజయశాంతి ఈసినిమా ద్వారా రీ ఎంట్రీ ఇస్తుంది. ప్రస్తుతం ఆమె షూటింగ్ లో కూడా పాల్గొంటుంది. ఇక ఈ చిత్రం లో విజయశాంతి ప్రొఫెసర్ పాత్రలో నటిస్తున్నట్లుగా వార్తలు వచ్చాయి. అయితే తాజాగా ఈసినిమాలో ఆమె పాత్ర ఫై పూర్తిగా క్లారిటీ వచ్చేసింది. ఈ చిత్రంలో విజయశాంతి మెడికల్ ప్రొఫెసర్ గా కనిపించనుందట. అందుకు తగ్గట్లు ఆమె లుక్ ను కూడా మార్చుకుంది.
సక్సెస్ ఫుల్ డైరెక్టర్ అనిల్ రావిపూడి తెరకెక్కిస్తున్న ఈ చిత్రంలో రష్మిక మందన్న హీరోయిన్ గా నటిస్తుండగా మహేష్ ఆర్మీ ఆఫీసర్ గా కనిపించనున్నాడు. ఇక వీరితో పాటు బండ్ల గణేష్ కూడా ఈ చిత్రంలో ఓ ముఖ్యమైన పాత్రలో నటిస్తున్నాడు. రాక్ స్టార్ దేవి శ్రీ ప్రసాద్ సంగీతం అందిస్తున్న ఈ చిత్రాన్ని భారీ బడ్జెట్ తో ఏకే ఎంటర్ టైమెంట్స్ , శ్రీ వెంకటేశ్వర క్రియేషన్స్ బ్యానర్ల ఫై అనిల్ సుంకర , దిల్ రాజు నిర్మిస్తున్నారు. ఈ చిత్రం వచ్చే ఏడాది సంక్రాంతి కి విడుదలకానుంది.
ఇక ఇప్పటివరకు కెరీర్ లో అపజయమే లేకుండా దూసుకుపోతున్నాడు అనిల్ రావిపూడి. ఇప్పటివరకు నాలుగు సినిమాలు తీయగా అవన్నీ సూపర్ హిట్ అయ్యాయి. మరి ఈ సరిలేరు నీకెవ్వరుతో కూడా సూపర్ హిట్ కొట్టి అనిల్ మరో విజయాన్ని ఖాతాలో వేసుకుంటాడో లేదో చూడాలి.
