తెలుగు లో వస్తున్న ది బెస్ట్ కామెడీ షో జబర్ధస్త్ ఇప్పటికీ ఆరు సంవత్సరాలు పూర్తి చేసుకుంది. ఇప్పటి వరకు జబర్ధస్త్ లో ఎంతో మంది కళాకారులు తమ అదృష్టాన్ని పరీక్షించుకున్నారు. కొంత మంది సరైన తీరులో అలరించలేక కనుమరుగైనారు. అయితే జబర్ధస్త్ తో మంచి గుర్తింపు తెచ్చుకొని బెస్ట్ కామెడీ స్కిట్స్ తో తెలుగు ప్రేక్షకులను మెప్పించినవారు ప్రస్తుతం వెండి తెరపై వెలిగిపోతున్నారు. వేణు, ధన్ రాజ్, తాగుబోతు రమేష్, గెటప్ శీను, సుడిగాలి సుధీర్, చమ్మక్ చంద్ర, రాకెట్ రాఘవ ఇలాంటి వారు ప్రస్తుం వెండితెరపై తమ సత్తా చాటుతున్నారు.
ఇక షకలక శంకర్ మొదట్లో కమెడియన్ గా చిన్న చిన్న పాత్రల్లో నటించి ప్రస్తుతం హీరోగా రాణిస్తున్నాడు. జబర్ధస్త్ లో ఎంతో మంది కళాకారులు తమ టాలెంట్ ఉపయోగించుకొని మంచి పొజీషన్లోకి వస్తున్నారు. అలాంటి వారిలో అప్పారావ్ ఒకరు. తనదైన డైలాగ్ డెలివరీతో ఆయన బుల్లితెర ప్రేక్షకులకు చేరువయ్యాడు. తాజాగా ఓ ఇంటర్వ్యూలో మాట్లాడిన అప్పారావ్ ‘జబర్ధస్త్’ లోకి రావాలంటి మొదట అదృష్టం ఉండాలి..దానితో పాలు కోట్ల మందిని అలరించగల సత్తా ఉండాలని అన్నారు.
జబర్ధస్త్ స్టేజ్ పై స్కిట్స్ కామెడీగా ఉంటేనే ఆడియన్స్ నవ్వుతారు..అందులో ఏ పొరపాటు జరిగినా విమర్శిస్తారు. ఈ మద్య జబర్ధస్త్ లోకి రావాలన్నా, టీమ్ లీడర్ కావాలన్నా ఎన్నో రాజకీయాలు జరుగుతున్నాయని సోషల్ మీడియాలో వార్తలు వస్తున్నాయి. కానీ రాజకీయాలు వుంటే ఈ షో ఇంతకాలం పాటు ప్రేక్షకులన అలరించేదే కాదు.
అంతే కాదు మాలో రాజకీయాలు ఉంటే ఒక్కరి స్కిట్ కే పరిమితం అయి ఉండేవాళ్లం. కానీ ఎవరి స్కిట్ లో అయినా స్థానం దక్కుతుందంటే మాలో ఐకమత్యం ఉందనే కదా అన్నారు. వేదికపై నటన విషయంలో మాత్రమే మేము పోటీ పడతాము. వేదిక దిగిన తరువాత మేమంతా మంచి స్నేహితులుగా ఉంటాము. ప్రస్తుతం జబర్ధస్త్ లో బెస్ట్ కమెడియన్ ఎవరంటే గెటప్ శీను అనే చెబుతానని అన్నారు.
