బాలీవుడ్ సూపర్ స్టార్ అమీర్ ఖాన్ కు గత ఏడాది థగ్స్ అఫ్ హిందుస్థాన్ భారీ షాక్ ఇచ్చింది. భారీ అంచనాల మధ్య విడుదలైన ఈచిత్రం బాక్సాఫీస్ వద్ద బోల్తా పడడంతో డిజాస్టర్ల జాబితాలో చేరిపోయింది . ఇక ఈ చిత్రం తరువాత అమీర్ హాలీవుడ్ లో విజయం సాధించిన 'ఫారెస్ట్ గంప్' అనే సినిమా రీమేక్ లో నటించాడని ఓకే చెప్పాడు. 'లాల్ సింగ్ చద్దా' అనే టైటిల్ తో తెరకెక్కనున్న ఈ చిత్రం త్వరలోనే సెట్స్ మీదకు వెళ్లనుంది.
ఇక ఇటీవల ఈ సినిమా కోసం అమీర్ ఖాన్ , తమిళ హీరో మక్కల్ సెల్వన్ విజయ్ సేతుపతి ని కలిసి ఈ సినిమా లో నటించవల్సిందిగా కోరగా అందుకు విజయ్ కూడా ఓకే చెప్పాడు. కాగా ఈ చిత్రంలో అమీర్ కు ఫ్రెండ్ గా కనిపించనున్నాడట విజయ్ సేతుపతి. త్వరలోనే ఈ సినిమా గురించి మరిన్ని వివరాలు వెలుబడనున్నాయి. కాగా విజయ్ కి బాలీవుడ్ లో ఇదే మొదటి సినిమా. ప్రస్తుతం తమిళ , తెలుగు , మలయాళ భాషల్లో నటిస్తున్న విజయ్ ఒక్క కన్నడ లో నటిస్తే అన్ని ప్రముఖ భాషల్లో నటించిన యాక్టర్ గా గుర్తింపు పొందనున్నాడు.
ఇకఇదిలా ఉంటే విజయ్ సేతుపతి , మాధవన్ హీరోలుగా నటించిన విక్రమ్ వేద బాలీవుడ్ రీమేక్ లో నటించడానికి ఇటీవల అమీర్ ఖాన్ గ్రీన్ సిగ్నల్ ఇచ్చిన విషయం తెలిసిందే. సైఫ్ అలీ ఖాన్ ఈ రీమేక్ లో మరో హీరోగా నటించనున్నారు. కాగా ఈ చిత్రంలో విజయ్ సేతుపతి పాత్రలో అమీర్ ఖాన్ నటించనుండగా మాధవన్ పాత్రలో సైఫ్ అలీ ఖాన్ కనిపించనున్నాడు.
