బాలీవుడ్ కండల వీరుడు సల్మాన్ ఖాన్ ఆ మద్య హిట్స్ లేక తెగ బాధపడుతున్న సమయంలో ‘దబాంగ్’ లాంటి సూపర్ హిట్ సినిమా ఒక్కసారే అదృష్టాన్ని మార్చింది. ఆ తర్వాత వచ్చిన సినిమాలు సల్మాన్ కి మంచి పేరు తీసుకురావడంతో నెంబర్ వన్ రేసులో పదిలంగా ఉన్నారు. దబాంగ్ హిట్ తర్వాత దబాంగ్ 2 సీక్వెల్ తీశారు. ఒక మాస్ పోలీస్ ఆఫీసర్ గుండాలపై ఎలా తిరగబడ్డాడు అన్న కోణంలో ఈ మూవీ సాగుతుంది. దబాంగ్ సినిమా తెలుగు లో పవన్ కళ్యాన్ హీరోగా ‘గబ్బర్ సింగ్’ సూపర్ డూపర్ హిట్ అయ్యింది.
ఇక దబాంగ్ 2 సీక్వెల్ దబాంగ్ 3 కోసం చాలా కాలం వేయిట్ చేశాడు సల్మాన్. టాలీవుడ్ లో కొరియోగ్రాఫర్ గా కెరీర్ మొదలు పెట్టి నటుడు, దర్శకుడుగా ఎదిగాడు ప్రభుదేవ. ఇండియన్ మైకేల్ జాక్సన్ గా పేరు తెచ్చుకున్న ప్రభుదేవ గతంలో సల్మాన్ ఖాన్ తో మహేష్ బాబు నటించిన పోకిరి రిమేక్ ‘వాంటెడ్’ తీశాడు. ఈ సినిమా సూపర్ హిట్ అయ్యింది. చాలా కాలం తర్వాత వీరిద్దరి కాంబినేషన్ లో ఇప్పుడు దబాంగ్ 3 వస్తుంది. భారీ బడ్జెట్ తో నిర్మితమవుతోన్న ఈ సినిమాకి విడుదల తేదీని ఖరారు చేశారు. డిసెంబర్ 20వ తేదీన ఈ సినిమాను ప్రపంచవ్యాప్తంగా విడుదల చేయనున్నారు.
హిందీతో పాటు తెలుగు,తమిళ , కన్నడ భాషల్లో అదే రోజున విడుదల చేయనున్నారు. సోనాక్షి సిన్హా కథానాయికగా నటిస్తోన్న ఈ సినిమాలో సుదీప్, మహి గిల్ ముఖ్యమైన పాత్రల్లో కనిపించనున్నారు. సాధారణంగా సల్మాన్ ఖాన్ హిట్ సినిమాలు తెలుగు లో రిమేక్ చేస్తుంటారు..ఇప్పుడ కన్నడలో కూడా విడుదల చేయడం చర్చనీయాంశంగా మారింది. ప్రస్తుతం చిత్ర యూనిట్ రాజస్థాన్ లో పలు యాక్షన్ సీక్వెన్స్ ని తెరకెక్కించడంలో బిజీగా ఉంది. ఇక 'దబాంగ్ 3' ఆ రెండు సినిమాలను మించిన వసూళ్లను సాధిస్తుందేమో చూడాలి.
