తెలుగు లో వస్తున్న బిగ్ బాస్ 3 మొన్నటి ఆదివారంతో 50 రోజులు పూర్తి చేసుకుంది.  మొన్నటి శని,ఆదివారం కింగ్ నాగార్జున చేసిన సందడి చాలా బాగుంది.  అయితే ఈసారి స్పెషల్ ఎట్రాక్షన్ గా నేచురల్ స్టార్ నాని వచ్చారు.  అయితే ఈసారి ఆయన హూస్ట్ గా కాదు..తాను నటిస్తున్న గ్యాంగ్ లీడర్ సినిమా ప్రమోషన్ కోసం వచ్చారు.  ఇంటి సభ్యులతో నాని భలే ఆట పట్టించారు.  ఇలా హ్యాపీగా సాగుతున్న సమయంలో ఎలిమినేషన్ రౌండ్ రానే వచ్చింది.  ఈసారి ఎలిమినేషన్ లో రౌండ్ లో ఎవరూ ఊహించని విధంగా అలీ రెజా ఔట్ అయ్యాడు.  మొదటి నుంచి ఎలాంటి కాంట్ర వర్సీ లేకుండా అన్నింటా విజయాలు సాధిస్తున్న అలీ ఉన్నట్టుండి ఎలిమినేషన్ కావడం అందరినీ ఆశ్చర్యపరిచింది. 

ట్విస్ట్ ఏంటేంటే అలీ మొదటి సారి ఎలిమినేషన్ రౌండ్ లోకి రావడం వెంటనే ఎలిమినేషన్ కావడం ఒక్కసారే జరిగిపోయింది. ఈ విషయాన్ని ఇంటి సభ్యులు, ప్రేక్షకులు జీర్ణించుకోలేకపోతున్నారు.  ఈ సీజన్ లో ప్రతి టాస్క్ లో అలీ బలమైన పోటీ ఇస్తూ వస్తున్నాడు. కాస్త అగ్రసివ్ గా ఉంటున్నా, అతడిపై విమర్శలు ఉన్నా అవి అలీకి పెద్ద సమస్య కాదని అంతా భావించారు. కేవలం సంచలనం కోసమే అలీని ఎలిమినేట్ చేశారా లేక అతడికి నిజంగానే ఓటింగ్ తగ్గిందా అనే ప్రశ్నలు ఆడియన్స్ సోషల్ మీడియా వేదికగా సంధిస్తున్నారు. ఇక శివజ్యోతి అయితే ఓ రేంజ్ లో కన్నీరు పెట్టుకుంది. 

రవికృష్ణ, శ్రీముఖి కూడా కన్నీరు పెట్టుకున్నారు.  అయితే అలీ ఇంత త్వరగా వెళ్లిపోయినా మళ్లీ రావొచ్చు అని వార్తలు వస్తున్నాయి. గతంలో నూతన్ నాయుడు ఎలిమినేట్ అయినా..ఓటింగ్ పద్దతి ద్వారా ఇంటి సభ్యులకు ఛాన్స్ ఉంటుంది.  ఈ క్రమంలో ఇద్దరు ఇంటి సభ్యులు రీ ఎంట్రీ ఇవ్వొచ్చు అంటున్నారు.  ఈ నేపథ్యంలో అలీ తిరిగి బిగ్ బాస్ హౌజ్ లోకి రావొచ్చు అంటున్నారు. ఇప్పటివరకు హౌస్ నుంచి హేమ, జాఫర్, తమన్నా, రోహిణి, అషు రెడ్డి, అలీ ఎలిమినేట్ అయ్యారు. జరుగుతున్న ప్రచారంలో ఎంతవరకు వాస్తవం ఉందొ వేచి చూడాలి. 


మరింత సమాచారం తెలుసుకోండి: