తెలుగులో వస్తున్న బిగ్ బాస్ 3 ఇప్పటికి 50 రోజులు దాటింది..ఇంట్లో సభ్యులకు బిగ్ బాస్ ఇక నుంచి మీరు ఫైనల్ కోసం పోరాటం చేయాల్సి ఉంటుందని చెప్పారు. దాంతో ఇంటి సభ్యులు ఎవరి సేఫ్ గేమ్ వారు సీరియస్ గా ఆడుతున్నారు.  బిగ్ బాస్ ఇచ్చిన టాస్క్ కూడా చాలా సీరియస్ గానే ఆడుతున్నారు. మొన్న ఇంట్లో దెయ్యం..నాకేం భయ్యం టాస్క్ లో బిగ్ బాస్ సభ్యులు చాలా కామెడీ పండించారు. 'ఇంట్లో దెయ్యం నాకేంటి భయం'టాస్క్ రెండో రోజు కూడా కంటిన్యూ అయింది.

ఈ టాస్క్ కరెక్ట్ గా లేదంటూ బిగ్ బాస్ పై పునర్నవి ఫైర్ అయింది. తనను పూల్ లో వేయడం ఇష్టమొచ్చినట్లు చేయడం తనకు అస్సలు నచ్చలేదని సీరియస్ అయ్యింది. ఇక  ఈ టాస్క్ లో శ్రీముఖి, పునర్నవి, మహేష్ లను చెత్త పెర్ఫామర్స్‌గా ప్రకటించారు బిగ్ బాస్.  అంతే కాదు లగ్జరీ బడ్జెట్ కోసం ఈ మూగ్గురికి ఒక సీరియస్ టాస్క్ కూడా ఇచ్చారు. వారికి శిక్షగా.. షూ పాలిష్ చేయాలని ఒక్కొక్కరికీ వందకి పైగా షూలను ఇచ్చారు.  వీటితో పాటు మిగతా ఇంటి సభ్యుల షూలను క్లీన్ చేయాలని శిక్ష విధించారు.

దీనికి పునర్నవి అంగీకరించలేదు. ఈ విషయంలో బిగ్ బాస్ తో గొడవ పడింది.  ఈ క్రమంలోనే మహేష్ విట్టా కూడా ఓ రేంజ్ లో సీరియస్ అయ్యాడు. టాస్క్ ఆడుతున్న సందర్భంగా తన బట్టలన్నీ చింపి వేశారని..ముందు షర్ట్ లు పంపించాలని.. తన షర్ట్ లు అన్నీ చినిగిపోయాయని చెప్పాడు.  మరీ దారణంగా చెప్పులు కడిగేది ఏంటి? మరీ అంత చీప్‌గా కనిపిస్తున్నామా? షర్ట్‌లు చిరిగిపోతే చెడ్డీతో ఉన్నా నేను. మేం పిచ్చోళ్ల మాదిరి కనిపిస్తున్నామా? బట్టలన్నీ విప్పేసి కూర్చోవాలా? చెప్పులు తుడవమనడం టాస్కా? రేపు మీరు విప్పేసిన చెడ్డీలు ఉతకమంటారు ఉతకాలా?  అంటూ ఓ రేంజ్ లో ఫైర్ అయ్యాడు.

అయితే బిగ్ బాస్ కి మేం బ్రతిమిలాడి రాలేదని..గతిలేక గేమ్ కి రాలేదని.. అప్లికేషన్ పెట్టి మమ్మల్ని తీసుకోండి అని అడగలేదని.. అప్లికేషన్ మీద రావడం వేరు.. ఇన్విటేషన్ మీద రావడం వేరని చెబుతూ అలాంటిది ఇంత ఘోరంగా అవమానిస్తారా అంటూ ఫైర్ అయ్యాడు.  అక్కడ ఉన్న శివజ్యోతి కన్విన్స్ చేయడంతో వెనక్కి తగ్గి అయిష్టంగానే షూ పాలిష్ చేశాడు మహేష్.  మరి ఈ రోజు ఎపిసోడ్ లో ఎలాంటి గమ్మత్తు సీన్లు జరుగుతాయో చూడాలి.


మరింత సమాచారం తెలుసుకోండి: