తమిళ స్టార్ హీరో సూర్య తెలుగు లో కూడా మంచి విజయాలు అందుకుంటున్నారు. తెలుగు లో వచ్చిన గజిని సినిమా తర్వాత సూర్యకు ఇక్కడ కూడా మంచి ఫ్యాన్ ఫాలోయింగ్ పెరిగిపోయింది. ఇక సింగం సీరీస్ తో వచ్చిన సినిమాలకు ఎంత క్రేజ్ వచ్చిందో అందరికీ తెలిసిందే. ఈ మద్య సూర్య వరుసగా ఫెయిల్యూర్స్ తో సతమతమవుతున్నాడు. ఈ మద్య రిలీజ్ అయిన గ్యాంగ్ సినిమాతో ప్రేక్షకుల ముందుకు వచ్చారు..కానీ అది హిట్ కాలేదు. తాజాగా సూర్య, ఆర్య.. మలయాళ మెగాస్టార్ మోహన్ లాల్ ప్రధాన పాత్రలో తెరకెక్కిన మల్టీ స్టారర్ చిత్రం బందోబస్త్.
వ్యవసాయం, రాజకీయాలతో పాటు పలు సామాజికాంశాల్ని స్పృశిస్తూ ఈ చిత్ర కథ సాగుతుంది. తమిళంలో ఈ మూవీ కప్పాన్ గా ప్రేక్షకుల ముందుకు రానుంది. కొన్నిరోజుల క్రితం కప్పాన్ ట్రైలర్ రిలీజ్ చేశారు. తాజాగా తెలుగు ట్రైలర్ ప్రేక్షకుల ముందుకు వచ్చింది. యాక్షన్ సన్నివేశాలని కళ్ళు చెదిరేలా చిత్రీకరించారు. హీరో సూర్య ప్రతి సన్నివేశంలో తన నటనతో అదరగొడుతున్నాడు. ఇక మలయాళీ సూపర్ స్టార్ మోహన్ లాల్ పాత్ర, బోమన్ ఇరానీ పాత్రలు కూడా ఆసక్తికరంగా ఉన్నాయి.
దేశరక్షణలోప్రధాన పాత్రను పోషించే కమాండోల బృందాన్ని నడిపించే నాయకుడు చెడ్డవాడైతే ఏం జరుగుతుంది? అలా మారడానికి కారణమేమిటనే పాయింట్తో కె.వి.ఆనంద్ చిత్ర కథని రాసుకున్నారు. అలాంటి సంఘటనలే నిజంగా మన దేశంలో జరిగాయి. కాగా, ఈ మద్య కొన్ని వాస్తవిక కథనాలు ఆధారంగా సినిమాలు వస్తున్నాయి.
వాస్తవంగా ఎన్ఎస్జీ కమాండోల వ్యక్తిగత జీవితం నేపథ్యంలో వచ్చే సన్నివేశాలు భావోద్వేగభరితంగా ఉంటాయి అని సూర్య అంటున్నారు. ఈ నెల 20న విడుదల కానున్న చిత్ర ప్రీ రిలీజ్ వేడుక తాజాగా జరిగింది. కెవి ఆనంద్ తన మార్క్ స్క్రీన్ ప్లే, ట్విస్ట్ లతో అబ్బురపరుస్తారు. బందోబస్త్ మూవీలో కూడా కథ వర్కౌట్ అయితే యాక్షన్ ప్రియులకు ఈ చిత్రం పండగే. చూడాలి ఈ మూవీ ఏరేంజ్ సక్సెస్ అవుతుందో చూడాలి.