తొలిసారి ఒక మ్యూజికల్ లవ్ స్టొరీలో నాగ చైతన్య, సాయి పల్లవి నటిస్తున్నారు. తెలంగాణ యాసని నాగచైతన్య బాగా ఇష్టపడి నేర్చుకున్నారు. అతని పాత్ర ఈ సినిమాకు హైలెట్ అవుతుంది. సాయిపల్లవి ఈ కథకు పర్‌ఫెక్ట్‌గా సరిపోతుంది. నా సినిమాలలో మ్యూజిక్ బలంగా ఉంటుంది. ఇందులో ఆ బలం మరింత గా కనిపిస్తుంది. రెహ్మాన్ స్కూల్ నుండి వచ్చిన పవన్ ఈ సినిమాకు మ్యూజిక్ అందిస్తున్నారు. ఈ చిత్రం మొదటి షెడ్యూల్ షూటింగ్ నిన్నటితో పూర్తయింది. ఈ షెడ్యూలులో కొన్ని సన్నివేశాలను, ఓ పాటను చిత్రీకరించారు. వచ్చే క్రిస్మస్ కి విడుదల చేసేలా ఈ చిత్ర నిర్మాణాన్ని కొనసాగిస్తున్నారు. ‘మజిలీ’ వంటి సూపర్ హిట్ తర్వాత వరుసగా సినిమాలు చేస్తోన్న నాగచైతన్య హీరోగా.. తన డైరెక్షన్‌లోనే వచ్చిన ‘ఫిదా’తో తెలుగు ప్రేక్షకులను ఫిదా చేసిన నేచురల్ బ్యూటీ సాయి పల్లవి హీరోయిన్‌గా సినిమా చేస్తుండటంతో ఈ ప్రాజెక్ట్‌పై క్రేజ్ పెరిగింది.
డిస్ట్రిబ్యూటర్స్‌గా ఇప్పటి వరకూ వందలాది సినిమాలను విడుదల చేసిన ఏసియన్ డిస్ట్రిబ్యూషన్ కంపెనీ ఈ సినిమాతో ఫస్ట్ టైమ్ నిర్మాణ రంగంలోకి దిగుతోంది. నారాయణదాస్ నారంగ్, పి.రామ్మోహనరావు ఈ చిత్రానికి నిర్మాతలు. నాగచైతన్య కెరీర్‌లో 20 సినిమాగా ఈ సినిమా తెరకెక్కనుంది.
