మెగాస్టార్ చిరంజీవి నటించిన సైరా నరసింహ రెడ్డి సినిమా ట్రైలర్ చరిత్ర సృష్టిస్తోంది.. ఒక స్వాతంత్య్ర యోధుడి కథను, గాథను అంతా గర్వపడేలా చూపించాలి, గొప్పగా చెప్పుకునేలా తెరకెక్కించాలి అని సైరా టీమ్ చేసిన ప్రయత్నం చాలా వరకు నెరవేరింది. 'సైరా' ట్రైలర్ చూసిన వాళ్ళు ఎవరయినా కూడా ఈ విషయాన్నీ ఒప్పుకోవాలి. భారతదేశ స్వాతంత్య్ర పోరాటం అనగానే చాలా మంది పేర్లు వినిపిస్తాయి. కానీ వాళ్లందరికంటే ముందే బ్రిటిష్ పాలనపై కత్తి దూసిన రేనాటి వీరుడు ఉయ్యాలవాడ నరసింహారెడ్డి జీవిత చరిత్రను తెరకెక్కించిన వైనం అంచనాలను మించిపోయింది.

స్వాతంత్య్ర పోరాటం గురించి ఇప్పటికే అనేక సినిమాలు వచ్చాయి. మరి వాటిలో లేనిది ఈ సినిమాలో ఏముంటుంది? అని ఎదురుచూసారు అంతా. అసలు ఆనాటిపోరాటం మెదలుకావడానికి కారణం దగ్గరనుండి మొదలుపెట్టి, దేశానికి స్వాతంత్య్ర తేవడం కోసం రాష్ట్రాలు దాటి అంతా ఒకటికావడం, ఉయ్యాలవాడ నరసింహారెడ్డి నేతృత్వంలో తెల్లదొరలపై తిరుగుబాటు అన్నీ కూడా వావ్ అనేలా ఉన్నాయి. కేవలం పోరాట దృశ్యాలు మాత్రమే కాదు, ఎమోషన్ కూడా ఒక రేంజ్ లో పండింది. ఉరికంబం ముందు నిలబడి నరసింహారెడ్డి గర్జించిన తీరు అద్భుతం అనకుండా ఉండలేం. పైగా కీలకపాత్రలకు ప్రతిభ ఉన్న నటీనటులు తోడవ్వడంతో 'సైరా' ట్రైలర్ తోనే సూపర్ కిక్ ఇచ్చింది.

సినిమాలోని దేశభక్తి అంశం అందరికి కనెక్ట్ అయిపోయింది. దానికి విజువల్ గ్రాండియర్ కూడా తోడు కావడంతో అంతా రిపీట్ మోడ్‌లో ఈ ట్రైలర్‌ని చూస్తున్నారు. యూట్యూబ్‌లో దుమ్మురేపుతోంది ఈ ట్రైలర్.ఇక సోషల్ మీడియాలో అయితే ఒక రేంజ్‌లో షేర్ చేస్తున్నారు. ఈ ట్రైలర్‌ని చాలా థియేటర్స్‌లో రిలీజ్ చేసారు.

అయినా కూడా ఈ సినిమా ట్రైలర్ ఒక కొత్త చరిత్ర సృష్టించింది. కేవలం విడుదలయిన గంట వ్యవధిలో ఏకంగా 2 మిలియన్ వ్యూస్ సాధించింది సైరా ట్రైలర్. ఇది చాలు ఈ సినిమా సృష్టించబోయే సంచలనాలు అంచనా వెయ్యడానికి. ఇక ఈ ట్రైలర్‌ని సెలబ్రిటీలు కూడా ఆకాశానికి ఎత్తేస్తున్నారు.
బడ్జెట్ కూడా చాలా ఎక్కువ ఖర్చు పెట్టారు కనుక అంతా మంచే జరగాలి..


మరింత సమాచారం తెలుసుకోండి: