బాలీవుడ్ నటి ఆలియా భట్‌‌కు ఒక వింత  సంఘటన ఎదురైంది. ఓ సినిమా షూటింగ్ కు ఆలియా వస్తోందని తెలిసి మీడియా వర్గాలు ఆమె ఫొటోల కోసం అక్కడే చాలాసేపు వేచి ఉన్నారు . తీరా ఆలియాభట్ కారులో నుంచి దిగగానే తన బాడీగార్డ్‌పై కేకలు వేశారు.

‘ముందు మీరే వెళ్లండి..’ అంటూ తనకంటే ముందు వెళ్తున్నాడని బాడీగార్డ్‌ను వెటకారంగా తిట్టారు. అప్పటికీ అక్కడే ఉన్న ఫొటోగ్రాఫర్లు ‘ఆలియా మేడమ్..’ అంటూ పిలుస్తున్నా వారిని పట్టించుకోకుండా వారిని ఒకచూపు చూసి తన కారవ్యాన్‌లోకి వెళ్లి కూర్చున్నారు.దాంతో ఇంతకాలం ఆలియాను రోల్ మోడల్‌లా చూసిన నెటిజన్లు ఆమెపై మండిపడుతున్నారు. ‘ఆ పొగరేంటి ఆలియా.. నీకు రక్షణ కల్పిస్తున్న వారికి కనీస మర్యాద ఇవ్వు’ అంటూ నెటిజన్లు ఆలియాకు క్లాస్ పీకారు. మరికొందరైతే ఇదంతా ఆమె ప్రియుడు రణ్‌బీర్ కపూర్ నుంచే నేర్చుకున్నారని, రణ్‌బీర్ కూడా తన అభిమానులతో ఇలాగే పొగరుగా ప్రవర్తిస్తుంటాడని తిట్టిపోశారు.

అయితే అసలు ఆలియా అలా ఎందుకు అరిచారో తెలియాలంటే ఈ వివాదంపై ఆమె స్పందించాలి. ఆలియా భట్ లాంటి స్టార్ సెలబ్రిటీ ఇలా ప్రవర్తిస్తే ఇక ఆమె అభిమానులు ఎలా గౌరవిస్తారు. వారు చేసే పనులు, మాట్లాడే మాటలన్నీ యువతపై ప్రభావం చూపుతాయి.

ఆలియా ఇలా చేయడం వల్ల ముందు ముందు ఆమెపైనే ప్రభావం చూపుతుంది. ఎందుకంటే ఆలియా భట్ త్వరలో ఓ సినిమాకు సంబంధించిన ప్రచార కార్యక్రమాల్లో పాల్గొంటారు. ఆ సమయంలో ఇలా ఎందుకు ప్రవర్తించావ్ ఆలియా అంటూ మీడియా వర్గాలు తప్పకుండా ఆమెను ప్రశ్నిస్తాయి. కాబట్టి  ఆలియా సోషల్ మీడియా ద్వారా కానీ మీడియా ముందు కానీ తాను చేసిన పనికి వివరణ ఇచ్చుకోవడమో లేక క్షమాపణలు చెప్పడమో చేస్తే ఆమెకే మంచిదని పలువురు అభిప్రాయం..
ప్రతిసారి ఇదొక్క అలవాటైపోయింది వీరికి..ఇది కూడా పబ్లిసిటీ స్టంటేమో..?


మరింత సమాచారం తెలుసుకోండి: