తెలుగు బుల్లితెర బిగ్‌బాస్ సీజన్ 3 ఇప్పుడిప్పుడే అస‌లైన మ‌జా పంచుతోంది. ఇప్పటికే ప్రీ క్లైమాక్స్ ద‌శ‌కు చేరుకున్న ఈ షో విన్న‌ర్ ఎవరో మరో 25 రోజుల్లో తేలిపోనుంది. మొత్తం 17 మంది కంటెస్టెంట్ల‌తో స్టార్ట్ అయిన ఈ గేమ్‌లో ప్ర‌స్తుతం 9 మంది కంటెస్టెంట్లు ఉన్నారు. ఈ వీకెండ్‌లో మరో కంటెస్టెంట్ కూడా బ‌య‌ట‌కు వెళ్లిపోనున్నారు. అంటే ఇక మొత్తం 8 మంది మాత్రమే హౌస్‌లో ఉంటారు. ఇక ఫైన‌ల్స్‌కు వ‌చ్చేసరికి కేవలం ఐదుగురు మాత్రమే ఉంటారు. మ‌రి ఈ ఐదుగురిలో ఎవరు విన్ అవుతారు ? అన్న‌ది తర్వాత తేల‌నుంది.
ఇక ప్ర‌స్తుతానికి హౌస్‌లో 9 మంది కంటెస్టెంట్లు మాత్రమే ఉన్నారు. వీరిలో ఈ వారం న‌లుగురు ఎలిమినేష‌న్ జోన్‌లో ఉన్నారు. హౌస్‌లో గట్టి కంటెస్టెంట్లుగా ఉన్న వ‌రుణ్ సందేశ్‌తో పాటు రాహుల్ సిప్లిగంజ్‌తో పాటు పున‌ర్న‌వి భూపాలం, మహేష్ విట్టా సైతం ఎలిమినేష‌న్లో ఉన్నారు. మ‌రి ఈ న‌లుగురిలో ఎవరు బ‌య‌ట‌కు వెళ‌తార‌న్న‌దానిపై ర‌క‌ర‌కాల చ‌ర్చ‌లు న‌డుస్తున్నాయి. వాస్త‌వంగా బ‌య‌ట న‌డుస్తోన్న పోలింగ్‌లు, ట్రోలింగ్‌ల‌ను బ‌ట్టి చూస్తే ఖ‌చ్చితంగా పున‌ర్న‌వి బ‌య‌ట‌కు వెళ్లిపోవాలి.
అయితే బిగ్‌బాస్ లీకుల‌ను బ‌ట్టి చూస్తే మహేష్ విట్టా బ‌య‌ట‌కు వెళ్లిపోతాడ‌ని తెలుస్తోంది. ఈ న‌లుగురిలో స్ట్రాంగ్ కంటెస్టెంట్లుగా ఉన్న వ‌రుణ్ సందేశ్‌, రాహుల్ సిప్లిగంజ్ సేఫ్ అవుతార‌ని అంటున్నారు. ఈ విషయంలో అంద‌రికి ఓకే అభిప్రాయం ఉంది. ఇక బ‌య‌ట చ‌ర్చ‌లు మాత్రం పున‌ర్న‌వి వెళ్లిపోతుంద‌ని చెపుతుంటే.. బిగ్‌బాస్ మాత్రం మ‌హేష్‌ను పంపేస్తాడ‌ని అంటున్నారు.
రాహుల్ - పున‌ర్న‌వి జంట‌ను కంటిన్యూ చేసేందుకు బిగ్‌బాస్ మ‌హేష్‌ను పంపేశార‌ని అంటుంటే... మ‌రికొంద‌రు మాత్రం రాహుల్, వ‌రుణ్ ఫ్యాన్స్ పున‌ర్న‌వికి ఓట్లేసి మ‌హేష్‌ను ఇంటికి పంపించేశార‌ని అంటున్నారు. మ‌రి ఫైన‌ల్‌గా ఎవరు ఎలిమినేట్ అవుతారో ? చూడాలి.
