సమాజంలో చాల మంచిపేరు సంపాదించుకున్నవారు అప్పుడప్పుడు చేసే వెకిలి చేష్టలు చూస్తుంటే ఒళ్లు కాలుతుంది.ఇంతకు ఇలాంటి వారు మానసిక స్ధితి బాగోలేక చేస్తున్నారా,లేక కావాలనే అలా ప్రవర్తిస్తున్నారా అనేది ఎంతకు అర్ధం కాదు.ఈ సమస్య అటు టాలీవుడ్‌లో వుంది,ఇటు బాలీవుడ్‌లో వుంది.తాగిన నటులు రోడ్డుపై హంగామా చేసిన ఘటనలు మనం ఇదివరకే విన్నాం. ఇక సినిమాల్లో ఎన్ని వేషాలు వేసినా చెల్లుతుంది.కాని నిజ జీవితంలో మాత్రం అలాంటి పప్పులు ఉడకవు.హద్దు మీరి ప్రవర్తించే వారికి ప్రముఖ కన్నడ నటుడు,నిర్మాత హుచ్చ వెంకట్‌కు పట్టిన గతే పడుతుందంటున్నారు కొందరు.


ఇప్పటికే ఓ కానిపని చేసి జనంచేతిలో దెబ్బలు తిన్న వెంకట్ ఈసారి మరో దుశ్చర్యకు ఒడిగట్టాడు. రోడ్డుపై అపరిచిత యువతికి పెళ్లి ప్రపోజ్ చేసి దేహశుద్ధి చేయించు కున్నాడు.ఈ ఘటన జరిగింది ఎక్కడంటే బెంగళూరులోని హిందూపురం రోడ్డులో  హరదేనహళ్ళి టోల్ గేట్ సమీపంలో..ఈ ప్రాంతంలో ఓ యువతి కాలేజీకి వెళ్లేందుకు బస్సుకోసం ఎదురు చూస్తుండగా, వెంకటన్ ఆమె వద్దకు వెళ్లి.నేనెవరో తెలుసా అని అడిగాడత,దానికి ఆ యువతి   తెలుసని సినిమాల్లో,టీవీల్లో చాలా సార్లు చూశానని, చెప్పిందట.ఆ వెంటనే నేను తెలుసుకదా ‘అయితే నన్ను పెళ్లి చేసుకో’అని డిమాండ్ చేశాడట.


అందుకు ఆమె నిరాకరించడంతో,అతడు నడిరోడ్డుపై బూతులు తిడుతూ ఆమె వేధించాడట.అంతటితో ఊరుకోకుండా పక్కనే ఉన్న కారు అద్దాలు పగలగొట్టి రచ్చరచ్చ చేశాడట.అతని ప్రవర్తనకు బయపడిన ఆ యువతి తన కుటుంబ సభ్యులకు ఫోన్ చేసి జరిగినదంతా వివరించేసరికి, కుటుంబ సభ్యులతో పాటు,స్థానికులు కూడా అక్కడికి చేరుకుని మొదట అతనికి మాటలతో చెప్పి చూశారట.


అయినా అతడు వినకుండా ఇష్టమొచ్చినట్లుగా మాట్లాడుతూ వారిపైకే తిరగ బడటంతో అందరూ కలసి అతణ్ని కుమ్మేసి పోలీసులకు అప్పచెప్పారట.ఇక కొసమెరుపు ఏంటంటే వెంటక్ మానసిక ప్రవర్తన సరిగ్గా లేదని, అందుకే ఇలా ప్రవర్తిస్తున్నాడని అతని కుటుంబ సభ్యులు చెబుతున్నారు.ఇక అతడు ఇటీవల రోడ్లపై అడుక్కుంటూ కూడా కొందరికి  కనిపించాడట.. 

మరింత సమాచారం తెలుసుకోండి: