కన్నడ రాకింగ్ స్టార్ యశ్ కథానాయకుడిగా ప్రశాంత్ నీల్ తెరకెక్కించిన `కేజీఎఫ్ చాప్టర్- 1` సృష్టించిన సంచలనాల గురించి తెలిసిందే. వరల్డ్ వైడ్ బాక్సాఫీస్ వద్ద అద్భుత వసూళ్లు సాధించింది ఈ చిత్రం. కాగా ఈ సినిమాలో ప్రధానమైన ప్రతినాయకుడి పాత్ర అధీరా కోసం బాలీవుడ్ స్టార్ నటుడు సంజయ్ దత్ ను ఎంచుకున్న సంగతి తెలిసిందే. దీంతో హైప్ మరింత పెరిగింది. ప్రశాంత్ నీల్ సినిమాను పార్ట్ 1 కంటే భీభత్సమైన రీతిలో తెరకెక్కిస్తున్నాడని అర్థమైంది. ఇక సంజయ్ దత్ ఇటీవలే హైదరాబాద్లో జరిగిన చిత్రీకరణలో పాల్గొన్నారు. ఆ షెడ్యూల్ లో తెరకెక్కించిన సీన్స్ అద్భుతంగా వచ్చాయని.. సినిమా మొత్తంలోనే అధీరా క్యారెక్టర్ ప్రత్యేకంగా ఉంటుందని తెలుస్తోంది. హోంబలే ఫిలింస్ సంస్థ అత్యంత భారీ బడ్జెట్ తో ఈ చిత్రాన్ని తెరకెక్కించింది. కన్నడం, హిందీ, తెలుగు, తమిళంలో చక్కని వసూళ్లతో ఆకట్టుకుంది. అందుకే యావత్తు భారతదేశం ఎదురు చూస్తున్న కొన్ని మోస్ట్ అవైటెడ్ సినిమాల్లో ఈ సినిమా కూడా ఒకటి. మొదటి పార్ట్ బంపర్ హిట్ కావడంతో ఈ సినిమా కోసం అన్ని భాషల ఇండస్ట్రీ ప్రేమికులు కూడా గట్టిగానే ఎదురు చూస్తున్నారు. ముఖ్యంగా మాస్ ఆడియెన్స్ అయితే ఈ సినిమా పై పెట్టుకున్న అంచనాలు అన్ని ఇన్ని కావు.
కానీ ఇదే సందర్భంలో ఎన్నో అంచనాలను మూటగట్టుకున్న ఈ చిత్రం “బాహుబలి 2″ రికార్డులను కొట్టేస్తుందని కొంత మంది అభిమానులు సోషల్ మీడియాలో రచ్చ చేస్తున్నారు. ఎలాగూ సైరా కలెక్షన్స్ లో వీక్ అయింది. దాంతో యశ్ అభిమానులు ఆనందంతో ఊగిపోతున్నారట. యశ్ కి తిరుగులేదని వాళ్లు తెగ హ్యాపీగా ఫీల్ అవుతున్నారట. అయితే నిజంగా కేజీఎఫ్ 2కు రికార్డ్ లు తిరగరాసే సీనుందా..? ఫ్యాన్స్ అంచనాలు పెట్టుకొవడంలో తప్పు లేదు కానీ వాస్తవంగా అయితే ఈ సినిమాకు అంత సీన్ లేదనే చెప్పాలి. ఫస్ట్ పార్ట్ ను మాస్ క్లాసిక్ గా విడుదల చేస్తేనే.. అది కాస్తా కల్ట్ క్లాసిక్ గా మరి కాసుల వర్షాన్ని కురిపించింది. మొదటి పార్ట్ ఓవరాల్ గా దాదాపు 200 కోట్లు రాబట్టింది. కానీ ఇక్కడ బాహుబలి మొదటి భాగమే దాదాపు 700 కోట్ల మేర రాబట్టేసింది. యష్ అభిమానులు మరీ అత్యుత్సాహం చూపిస్తున్నారు. ఇక ఈ సినిమా చిత్రీకరణ శరవేగంగా పూర్తవుతోంది. వచ్చే ఏడాది సమ్మర్ లో సినిమాని రిలీజ్ చేయనున్నారు. ఈ సీక్వెల్ లో తొలి భాగాన్ని మించి భారీ యాక్షన్ ని చూపించనున్నారు. కేజీఎఫ్ అంటే కోలార్ బంగారు గనులు (కోలార్ గోల్డ్ ఫీల్డ్స్). దశాబ్ధాల క్రితం కోలార్ బంగారు గనుల్లో మాఫియా కథతో ఈ చిత్రం తెరకెక్కుతోంది. కేజీఎఫ్ గనుల పై ప్రపంచ మాఫియా కన్ను ఎలా ఉండేది అన్న దానిని తొలి భాగంలోనే అద్భుతంగా రివీల్ చేశారు. పార్ట్ 2లో ఇంకా భీకర మాఫియాని పతాక స్థాయిలో చూపించబోతున్నారట.